ರಿಪೇರಿಗೆಂದು ನಿಲ್ಲಿಸಿದ್ದ ವಾಹನಗಳಿಂದ ಬ್ಯಾಟರಿಗಳ ಕಳವು

ಪುತ್ತೂರು: ಮುಕ್ರಂಪಾಡಿಯಲ್ಲಿರುವ ಟೆಕ್ನೋ ಎಂಜಿನಿಯರಿಂಗ್‌ ವರ್ಕ್‌ಶಾಪ್‌ ಮುಂದೆ ರಿಪೇರಿಗೆಂದು ನಿಲ್ಲಿಸಲಾಗಿದ್ದ ವಾಹನಗಳಿಂದ ಬ್ಯಾಟರಿ ಕಳವು ಮಾಡಿದ ಘಟನೆ ಜು. 31ರ ಬೆಳಗ್ಗೆ ಬೆಳಕಿಗೆ ಬಂದಿದೆ.

ಆರ್ಯಾಪು ಗ್ರಾಮದ ಅವನೀಶ್‌ ಕುಮಾರ್‌ ಅವರ ಮಾಲಕತ್ವದ ಈ ವರ್ಕ್‌ ಶಾಪ್‌ನ ಹೊರಗಡೆ ರಿಪೇರಿಗೆಂದು ನಿಲ್ಲಿಸಲಾಗಿದ್ದ ವಾಹನಗಳಿಂದ 7 ಬ್ಯಾಟರಿ ಮತ್ತು ಗ್ಯಾರೇಜ್‌ಗೆ ಸೇರಿದ 2 ಬ್ಯಾಟರಿಗಳು ಕಳವಾಗಿವೆ.

ಅವನೀಶ್‌ ಜು.31ರಂದು ಬೆಳಗ್ಗೆ ವರ್ಕ್‌ಶಾಪ್‌ನ ಬಾಗಿಲು ತೆರೆಯುವ ವೇಳೆ ಕಳವು ಪ್ರಕರಣ ಬೆಳಕಿಗೆ ಬಂದಿದೆ. ಕಳವಾದ ಬ್ಯಾಟರಿಗಳ ಒಟ್ಟು ಮೌಲ್ಯ 81 ಸಾವಿರ ರೂ. ಆಗಿದೆ. ಘಟನೆ ಕುರಿತು ಸಂಪ್ಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.