Theft: ಟವರ್‌ನ 42 ಬ್ಯಾಟರಿಗಳ ಕಳವು

ಕುಂದಾಪುರ: ಬಿಎಸ್‌ಎನ್‌ಎಲ್‌ ಟವರ್‌ನ ನಿರುಪಯುಕ್ತ ಬ್ಯಾಟರಿಗಳನ್ನು ಕಳವುಗೈದ ಕುರಿತು ಪ್ರಕರಣ ದಾಖಲಾಗಿದೆ.  ಅಸೋಡು ಗ್ರಾಮದ ಕೋಳಿಫಾರಂನ ಬಳಿಯ ಬಿಎಸ್‌ಎನ್‌ಎಲ್‌ ಟವರ್‌ಗೆ ಸಂಬಂಧಿಸಿದ ಶೆಡ್‌ನ‌ ಒಳಗೆ ಇದ್ದ 42 ನಿರುಪಯುಕ್ತ ಬ್ಯಾಟರಿಗಳನ್ನು ಕಳವು ಮಾಡಲಾಗಿದೆ.

ಈ ಬಗ್ಗೆ ಕುಂದಾಪುರ ಗ್ರಾಮಾಂತರ ಪೊಲೀಸ್‌ ಠಾಣೆಗೆ ಟವರ್‌ನ ನೆಟ್‌ವರ್ಕ್‌ ಕಾರ್ಯನಿರ್ವಹಣೆ ಗುತ್ತಿಗೆ ಪಡೆದ ಬೆಂಗಳೂರಿನ ಕಂಪೆನಿ ಟೆಕ್ನೀಷಿಯನ್‌ ಕೆಲಸ ನಿರ್ವಹಿಸಿಕೊಂಡಿರುವ ನಿತೇಶ್‌ ಹಂಗಳೂರು ದೂರು ನೀಡಿದ್ದಾರೆ.