ಹುಬ್ಬಳ್ಳಿ: ಪಿಡಬ್ಲ್ಯುಡಿ ನಿವೃತ್ತ ಕಾರ್ಯನಿರ್ವಾಹಕ ಅಭಿಯಂತರ ಮನೆಯಲ್ಲಿ ಕಳ್ಳತನ

ಹುಬ್ಬಳ್ಳಿ: ಪಿಡಬ್ಲ್ಯುಡಿ ನಿವೃತ್ತ ಕಾರ್ಯನಿರ್ವಾಹಕ ಅಭಿಯಂತರ ಮಹಾದೇವಪ್ಪ ಭೀಮಕ್ಕನವರ ಅವರ ಅಶೋಕನಗರ ಠಾಣೆ ವ್ಯಾಪ್ತಿಯ ಆದರ್ಶ ನಗರದ ಮನೆಯಲ್ಲಿ ಶನಿವಾರ ರಾತ್ರಿ 380ಗ್ರಾಂ ಚಿನ್ನಾಭರಣ, 15ಕೆಜಿ ಬೆಳ್ಳಿ ಸಾಮಗ್ರಿ, 2ಸಾವಿರ ರೂ. ನಗದು, 10 ರೇಷ್ಮೆ ಸೀರೆ ಕಳ್ಳತನವಾಗಿದೆ.

ಇವರ ಮಗ ಸಂಬಂಧಿಕರ ಕಾರ್ಯಕ್ರಮಕ್ಕೆಂದು ಬೇರೆಡೆಗೆ ಹೋಗಿ ವಾಪಸ್ಸು ಬರುವುದರೊಳಗೆ ಕಳ್ಳರು ತಮ್ಮ ಕೈಚಳಕ ತೋರಿದ್ದಾರೆ.

ಸ್ಥಳಕ್ಕೆ ಹಿರಿಯ ಅಧಿಕಾರಿಗಳು ಹಾಗೂ ಬೆರಳಚ್ಚು ತಜ್ಞರು, ಶ್ವಾನದಳ ತಂಡದವರು ಭೇಟಿ ನೀಡಿ ಪರಿಶೀಲಿಸಿದರು. ಅಶೋಕನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.