Theft: ರಾಕ್‌ಲೈನ್‌ ಸಹೋದರನ ಮನೆಗೆ ಕನ್ನ

ಬೆಂಗಳೂರು: ಖ್ಯಾತ ಚಲನಚಿತ್ರ ನಿರ್ಮಾಪಕ ರಾಕ್‌ಲೈನ್‌ ವೆಂಕಟೇಶ್‌ ಸಹೋದರ ಬ್ರಹ್ಮಿ ಅವರ ಮಹಾಲಕ್ಷ್ಮೀಲೇಔಟ್‌ ನಿವಾಸಕ್ಕೆ ಕನ್ನ ಹಾಕಿದ ಚೋರರು 4 ಕೋಟಿ ರೂ.ಗೂ ಅಧಿಕ ಚಿನ್ನಾಭರಣ, ನಗದು ದೋಚಿದ್ದಾರೆ.

ಉದ್ಯಮಿ ಬ್ರಹ್ಮಿ ಕುಟುಂಬ ಸಮೇತರಾಗಿ ವಿದೇಶ ಪ್ರವಾಸಕ್ಕೆ ತೆರಳಿದ್ದರು. ಆ ವೇಳೆ ಬ್ರಹ್ಮಿ ಅವರ ಮನೆಯ ಚಾವಣಿಯ ಕೋಣೆಯ ಬಾಗಿಲು ಮುರಿದು ಒಳಗೆ ಕಳ್ಳರು ಎಂಟ್ರಿ ಕೊಟ್ಟಿದ್ದಾರೆ. ಸೇಫ್ ಲಾಕರ್‌ ಅನ್ನು ಒಡೆದು 3 ಕೋಟಿ ರೂ.ಗೂ ಅಧಿಕ ಮೌಲ್ಯದ ಚಿನ್ನಾಭರಣ, ನಗದು, ಬೆಲೆಬಾಳುವ ವಸ್ತುಗಳನ್ನು ಹೊತ್ತೂಯ್ದಿದ್ದಾರೆ.

ಮನೆಗೆ ಕಾವಲಿದ್ದ ನೇಪಾಳಿ ಮೂಲದ ಸೆಕ್ಯೂರಿಟಿ ಗಾರ್ಡ್‌ ನಾಪತ್ತೆ ಆಗಿದ್ದು, ಆತನೇ ಸಹಚರರ ಜೊತೆಗೆ ಸೇರಿ ಕೃತ್ಯ ಎಸಗಿರುವ ಎಂಬ ಶಂಕೆ ವ್ಯಕ್ತವಾಗಿದೆ. ಈ ವಿಚಾರ ಬ್ರಹ್ಮಿ ಗಮನಕ್ಕೆ ಬಂದು ಮಹಾಲಕ್ಷ್ಮೀಲೇಔಟ್‌ ಠಾಣೆ ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಕೂಡಲೇ ಉತ್ತರ ವಿಭಾಗದ ಡಿಸಿಪಿ, ಮಹಾಲಕ್ಷ್ಮೀಲೇಔಟ್‌ ಠಾಣೆ ಇನ್‌ಸ್ಪೆಕ್ಟರ್‌ ಸ್ಥಳ ಪರಿಶೀಲಿಸಿದ್ದು, ಕಳ್ಳರ ಪತ್ತೆಗೆ ವಿಶೇಷ ತಂಡ ರಚಿಸಲಾಗಿದೆ. ಪೊಲೀಸರ ಮತ್ತೂಂದು ತಂಡವು ಕೃತ್ಯ ನಡೆದ ಮನೆಯ ಸಮೀಪದಲ್ಲಿದ್ದ ಸಿಸಿಕ್ಯಾಮರಾ ಪರಿಶೀಲನೆ ನಡೆಸಿದೆ. ಕಳ್ಳರ ಸುಳಿವು ಸಿಕ್ಕಿದ್ದು, ಸದ್ಯದಲ್ಲೇ ಬಂಧಿಸಲಾಗುವುದು ಎಂದು ಪೊಲೀಸ್‌ ಮೂಲಗಳು ತಿಳಿಸಿವೆ.