ಮುಂಡ್ಕೂರು: ಮನೆಗೆ ನುಗ್ಗಿದ ಕಳ್ಳರು, ಚಿನ್ನಾಭರಣ ಕಳವು

ಬೆಳ್ಮಣ್: ಮನೆಯವರೆಲ್ಲಾ ಮಲಗಿದ್ದ ವೇಳೆ ಮನೆಗೆ ನುಗ್ಗಿದ ಕಳ್ಳರು ಚಿನ್ನಾಭರಣ ಹೊತ್ತೊಯ್ದ ಘಟನೆ ಕಾರ್ಕಳ ತಾಲೂಕಿನ ಮುಂಡ್ಕೂರು ಗ್ರಾಮದಲ್ಲಿ ಶನಿವಾರ ತಡರಾತ್ರಿ ನಡೆದಿದೆ.

ಮುಂಡ್ಕೂರಿನ ರೇಖಾ ಶೆಣೈ ಎಂಬವರ ಮನೆಯಲ್ಲಿ ಕಳ್ಳತನವಾಗಿದೆ. ಮನೆಯಲ್ಲಿ ರೇಖಾ, ಅವರ ಅತ್ತೆ, ಹಾಗೂ ಪುತ್ರ ಮಲಗಿದ್ದರು. ತಡರಾತ್ರಿ ಈ ಕಳ್ಳತನವಾಗಿದ್ದು, ಸುಮಾರು 25 ಪವನ್ ನಷ್ಟು ಚಿನ್ನಾಭರಣ ಕಳವಾಗಿದೆ.

ಕಾರ್ಕಳ ಗ್ರಾಮಾಂತರ ಠಾಣಾ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.