ಅರಮನೆ ಮುಂಭಾಗ ಯೋಗಾಭ್ಯಾಸ

ಮೈಸೂರು: ಜೂನ್‌ 21ರ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆ ಹಿನ್ನೆಲೆಯಲ್ಲಿ ಭಾನುವಾರ ಬೆಳಗ್ಗೆ ಅರಮನೆ ಮುಂಭಾಗ ನೂರಾರು ಯೋಗಪಟುಗಳು ಸಾಮೂಹಿಕ ಯೋಗಾಭ್ಯಾಸ ನಡೆಸಿದರು.

ಆಯುಷ್‌ ಇಲಾಖೆ, ನೆಹರು ಯುವ ಕೇಂದ್ರ, ಮೈಸೂರಿನ ಯೋಗ ಸಂಸ್ಥೆಗಳ ಸಹಯೋಗದಲ್ಲಿ ಯೋಗಾಸನ ತಾಲೀಮು ನಡೆಯಿತು. 2017ರಲ್ಲಿ 55 ಸಾವಿರ ಮಂದಿ ಒಂದೆಡೆ ಸೇರಿ ಯೋಗಾಭ್ಯಾಸ ನಡೆಸುವ ಮೂಲಕ ಸಾಂಸ್ಕೃತಿಕ ನಗರಿ ಮೈಸೂರು ಗಿನ್ನಿಸ್‌ ದಾಖಲೆ ಬರೆದಿತ್ತು.

ಈ ಬಾರಿಯೂ ಮತ್ತೂಂದು ದಾಖಲೆ ಬರೆಯಲು ಮೈಸೂರಿನ ಯೋಗಪಟುಗಳು ಸಜ್ಜಾಗುತ್ತಿದ್ದು ಭಾನುವಾರ ಮುಂಜಾನೆ 5.30ರಿಂದಲೇ ಅರಮನೆ ಮುಂಭಾಗದಲ್ಲಿ ಸೇರಿ ಯೋಗಾಭ್ಯಾಸ ನಡೆಸಿದರು.