ಖಾತೆ ಬದಲಾವಣೆಗೆ ಸಚಿವರಿಗೆ ಪುತ್ರಿ ಮನವಿ

ಮದ್ದೂರು: ಪಟ್ಟಣದ ಸರಕಾರಿ ಕ್ರೀಡಾಂಗಣದಲ್ಲಿ ನಡೆದ ಜನಸಂಪರ್ಕ ಸಭೆಯಲ್ಲಿ ಸಾರಿಗೆ ಸಚಿವ ಡಿ.ಸಿ.ತಮ್ಮಣ್ಣರ
ಪುತ್ರಿ ಸಂಗೀತಾ ತಮ್ಮ ಜಮೀನಿನ ಖಾತೆ ಬದಲಾವಣೆ ಹಾಗೂ ಭೂಮಾಪನ ಕಾರ್ಯ ಮಾಡಿಕೊಡಲು ಕೋರಿ
ತಮ್ಮಣ್ಣರಿಗೆ ಮನವಿ ಸಲ್ಲಿಸಿದರು. 

ತಾಲೂಕಿನ ಮೊಬ್ಬಳಗೆರೆ ಗ್ರಾಮದಲ್ಲಿರುವ ತಮ್ಮ ಅತ್ತೆ ಪದ್ಮಮ್ಮ ಬಿನ್‌ ಡಿ.ಸಿ.ಚೌಡೇಗೌಡ ಅವರ ಹೆಸರಿನಲ್ಲಿರುವ ಜಮೀನನ್ನು ಖಾತೆ ಬದಲಾವಣೆ ಮತ್ತು ಭೂಮಾಪನ ಕಾರ್ಯ ನೆರವೇರಿಸಲು ಸಾಮಾನ್ಯರಂತೆ ಸರದಿಯಲ್ಲಿ ನಿಂತು ಮನವಿ ಸಲ್ಲಿಸಿದ್ದು ಸಾರ್ವಜನಿಕರ ಪ್ರಶಂಸೆಗೆ ಕಾರಣವಾಯಿತು.

ಅರ್ಜಿ ಸ್ವೀಕರಿಸಿದ ಸಚಿವರು ಖಾತೆ ಬದಲಾವಣೆ ಸಂಬಂಧ ಅಗತ್ಯ ಕ್ರಮವಹಿಸುವಂತೆ ಸ್ಥಳದಲ್ಲಿದ್ದ ಉಪವಿಭಾಗಾಧಿಕಾರಿ ರಾಜೇಶ್‌ ಅವರಿಗೆ ಸೂಚಿಸಿದರು.