ಕಿರುಸೇತುವೆಯಿಂದ ಉರುಳಿದ ಕಾರು : ನಾಲ್ಕು ಮಂದಿಗೆ ಗಾಯ

ಸುಳ್ಯ: ಉಪ್ಪಿನಂಗಡಿಯಿಂದ ಮಡಿಕೇರಿ ಕಡೆಗೆ ಹೋಗುತ್ತಿದ್ದ ಕಾರೊಂದು ನಿಯಂತ್ರಣ ತಪ್ಪಿ ಕಿರು ಸೇತುವೆಯಿಂದ ಕೆಳಗೆ ಬಿದ್ದು ಅಪಘಾತವಾದ ಘಟನೆ ಕಲ್ಲುಗುಂಡಿಯ ಕಡೆಪಾಲದಲ್ಲಿ ಶುಕ್ರವಾರ ರಾತ್ರಿ ಸಂಭವಿಸಿದೆ.

ಕಾರಿನಲ್ಲಿದ್ದ ಉಪ್ಪಿನಂಗಡಿಯವರಾದ ಕಾರ್ತಿಕ್‌ ಕಾಮತ್‌, ರವೀಂದ್ರ ಕಾಮತ್‌, ಕಿರಣ್‌ ಕಾಮತ್‌, ಸುಧಾಕರ ಕಾಮತ್‌ ಗಾಯಗೊಂಡಿದ್ದಾರೆ.

ಮಧ್ಯರಾತ್ರಿ ಈ ಘಟನೆ ಸಂಭವಿಸಿದ್ದು, ಹಿಂದಿನಿಂದ ಬಂದ ಕಾರಿನವರು ಇವರನ್ನು ಸುಳ್ಯ ಆಸ್ಪತ್ರೆಗೆ ದಾಖಲಿಸಿದರೆಂದು ತಿಳಿದು ಬಂದಿದೆ.