Aranthodu: ಕಲ್ಲುಗುಂಡಿ; ಕಾರು ಅಪಘಾತ

ಅರಂತೋಡು: ಕೇರಳದಿಂದ ಗೋಣಿಕೊಪ್ಪ ಕಡೆಗೆ ಹೋಗುತ್ತಿದ್ದ ಕಾರು ಸಂಪಾಜೆ ಗ್ರಾಮದ ಕಲ್ಲುಗುಂಡಿ ಬಳಿ ನಿಯಂತ್ರಣ ತಪ್ಪಿ ಚರಂಡಿಗೆ ಬಿದ್ದಿದೆ. ಕಾರು ಚಲಾಯಿಸುತ್ತಿದ್ದ ಮಹಿಳೆ ಅಪಾಯದಿಂದ ಪಾರಾದ ಘಟನೆ ಮಂಗಳವಾರ ನಡೆದಿದೆ.

ಗೋಣಿಕೊಪ್ಪ ಬ್ಯಾಂಕ್‌ ಉದ್ಯೋಗಿ ಮಹಿಳೆ ಹುಂಡೈ ಐ10 ಕಾರಿನಲ್ಲಿ ತೆರಳುತ್ತಿದ್ದ ವೇಳೆ ಮಳೆ ಬಂದ ಕಾರಣ ರಸ್ತೆಯಿಂದ ಕಾರು ಸ್ಕಿಡ್‌ ಆಗಿ ಪಕ್ಕದ ಚರಂಡಿಗೆ ಬಿದ್ದಿತ್ತು. ಕಾರಿನಲ್ಲಿ ಅವರೊಬ್ಬರೇ ಇದ್ದರು. ಕಲ್ಲುಗುಂಡಿಯ ರಿಕ್ಷಾ ಚಾಲಕರು, ವರ್ತಕರು ಸೇರಿ ಪಿಕಪ್‌ ಮೂಲಕ ಕಾರನ್ನು ಮೇಲಕ್ಕೆತ್ತಿದರು.