Advertisement
ಪುತ್ತೂರಿನಿಂದ 60 ಕಿ.ಮೀ. ದೂರಕ್ಕೆ ತಲುಪುತ್ತಿದ್ದ ದೂರದರ್ಶನ ಪ್ರಸಾರವನ್ನು ಸ್ಥಗಿತ ಮಾಡುವಂತೆ ಪ್ರಸಾರ ಭಾರತಿ ಮೌಖೀಕ ಆದೇಶ ನೀಡಿದೆ. ಒಟ್ಟು 272 ಕೇಂದ್ರಗಳನ್ನು ಕೂಡಲೇ ಬಂದ್‌ ಮಾಡುವಂತೆ 2 ತಿಂಗಳ ಹಿಂದೆಯೇ ಆದೇಶ ನೀಡಲಾಗಿತ್ತು. ಒಟ್ಟು 171 ಕೇಂದ್ರಗಳನ್ನು ಸ್ಥಗಿತಗೊಳಿಸುವಂತೆ ಸೋಮವಾರ ರಾತ್ರಿ ಮೌಖೀಕ ಸೂಚನೆ ನೀಡಿದೆ. ಇದರಲ್ಲಿ ಪುತ್ತೂರು ಕೂಡ ಸೇರಿದೆ.
Related Articles
Advertisement
ಮೇಲ್ದರ್ಜೆ ಕನಸು ಭಗ್ನಬಿರುಮಲೆ ಗುಡ್ಡದ ದೂರದರ್ಶನ ಮರುಪ್ರಸಾರ ಕೇಂದ್ರವನ್ನು ಮೇಲ್ದರ್ಜೆಗೆ ಏರಿಸಬೇಕು ಎಂಬ ಬೇಡಿಕೆ ಬಹುಕಾಲದಿಂದ ಇತ್ತು. ಈ ಬೇಡಿಕೆಗೆ ಇದೀಗ ಎಳ್ಳು ನೀರು ಬಿಟ್ಟಂತಾಗಿದೆ. ಕೇಂದ್ರ ಮೇಲ್ದರ್ಜೆಗೇ ಏರುತ್ತಿದ್ದರೆ, 10 ಚಾನೆಲ್‌ ಹಾಗೂ 5 ರೇಡಿಯೋ ಕೇಂದ್ರಗಳು ಸುತ್ತಲಿನ ಜನರಿಗೆ ಸಿಗುತ್ತಿದ್ದವು. ಮೊಬೈಲ್‌ ಆ್ಯಪ್‌ನಲ್ಲೂ ಟಿವಿ ಚಾನೆಲ್‌, ರೇಡಿಯೋ ಕೇಳಬಹುದಿತ್ತು. ಬಳ್ಪದ 41 ಅಂಗನವಾಡಿ ಕೇಂದ್ರಗಳಿಗೆ ಇನ್ನೂ ಎಫ್‌ಎಂ ತಲುಪುತ್ತಿಲ್ಲ ಎಂಬ ವರದಿಯನ್ನು ಜಿ.ಪಂ. ಸಿಇಒ ನೀಡಿದ್ದರು. ಈ ಹಿನ್ನೆಲೆಯಲ್ಲಿ ಬಿರುಮಲೆ ಗುಡ್ಡದಲ್ಲಿ 1 ಕಿ.ವ್ಯಾ. ಸಾಮರ್ಥ್ಯದ ಆಕಾಶವಾಣಿ ಟ್ರಾನ್ಸ್‌ ಮೀಟರ್‌ ಅಳವಡಿಸುವಂತೆ ಕೇಂದ್ರದ ವಾರ್ತಾ ಮತ್ತು ಪ್ರಸಾರ ಇಲಾಖೆಯ ಸಚಿವರಿಗೆ ಮನವಿ ಸಲ್ಲಿಸಲಾಗಿತ್ತು. ಸುಳ್ಯದ ಕೇಂದ್ರವೂ ಸ್ಥಗಿತ
ತಿಂಗಳ ಹಿಂದೆಯಷ್ಟೇ ಸುಳ್ಯದ ಕುರುಂಜಿ ಭಾಗ್‌ನಲ್ಲಿದ್ದ ಮರುಪ್ರಸಾರ ಕೇಂದ್ರವನ್ನು ಸ್ಥಗಿತಗೊಳಿಸಲಾಗಿತ್ತು. ವಿಎಲ್‌ಪಿಟಿ (ವೆರಿ ಲೋ ಪವರ್‌ ಟ್ರಾನ್ಸ್‌ ಮಿಟ್‌) ಸ್ವಯಂಚಾಲಿತವಾಗಿ, ಸೋಲಾರ್‌ ಆಧಾರಿತವಾಗಿ ಕಾರ್ಯ ನಿರ್ವಹಿಸುತ್ತಿತ್ತು. ಫೆಬ್ರವರಿಯಲ್ಲಿ ಇದನ್ನು ಸ್ಥಗಿತಗೊಳಿಸಿ ಪ್ರಸಾರ ಭಾರತಿ ಆದೇಶ ಹೊರಡಿಸಿದೆ. ಪ್ರತಿಭಟನೆಗೆ ಸಿದ್ಧತೆ
ವಿದ್ಯಾಭ್ಯಾಸ, ಕೃಷಿ ಚಟುವಟಿಕೆಗೆ ಗ್ರಾಮೀಣ ಭಾಗದ ಜನರು ಬಿರುಮಲೆ ಗುಡ್ಡದ ದೂರದರ್ಶನ ಕೇಂದ್ರವನ್ನು ಅವಲಂಬಿಸಿದ್ದರು. ಡಿಟಿಎಚ್‌ ಅಳವಡಿಸಲು ಹಣ ಇಲ್ಲದ ಕೃಷಿ ಹಾಗೂ ಕಾರ್ಮಿಕ ವರ್ಗ ದೂರದರ್ಶನವನ್ನೇ ಅವಲಂಭಿಸಿತ್ತು. ಇದೀಗ ಅವರಿಗೆ ಪರ್ಯಾಯ ವ್ಯವಸ್ಥೆ ಇಲ್ಲದಂತಾಗಿದೆ. ಕೇಂದ್ರ ಸಚಿವರಿಗೆ, ಆಕಾಶವಾಣಿ ಮತ್ತು ದೂರದರ್ಶನ ಮಹಾ ನಿರ್ದೇಶಕರಿಗೆ, ಮಂಗಳೂರು ಆಕಾಶವಾಣಿ ಮುಖ್ಯಸ್ಥರಿಗೆ, ಮಂಗಳೂರು ದೂರದರ್ಶನ ಅನುರಕ್ಷಣಾ ಕೇಂದ್ರ ಮುಖ್ಯಸ್ಥರಿಗೆ ಪತ್ರ ಬರೆದು ವಿಷಯ ತಿಳಿಸಲಾಗುವುದು. ಇದಕ್ಕೆ ಸೂಕ್ತ ಸ್ಪಂದನೆ ಸಿಗದೇ ಹೋದರೆ, ಪ್ರತಿಭಟನೆ ಹಾದಿ ಹಿಡಿಯುವ ಬಗ್ಗೆಯೂ ಚಿಂತನೆ ನಡೆಸಿದ್ದೇವೆ ಎಂದು ರಾಜೇಶ್‌ ಬನ್ನೂರು, ಅನಂತರಾಮ ಪಿ.ಕೆ., ಎಚ್‌. ಉದಯ ಕುಮಾರ್‌ ತಿಳಿಸಿದ್ದಾರೆ.