ಬಿಜೆಪಿಗೆ 4, ತೃಣಮೂಲ ಕಾಂಗ್ರೆಸ್‌ ತೆಕ್ಕೆಗೆ ಮೂರು

ಲೋಕಸಭಾ ಚುನಾವಣೆಯ ಫ‌ಲಿತಾಂಶದ ಜತೆಗೆ, ಪಶ್ಚಿಮ ಬಂಗಾಳದಲ್ಲಿ 8 ವಿಧಾನಸಭಾ ಕ್ಷೇತ್ರಗಳಿಗೆ ನಡೆದ ಉಪಚುನಾವಣೆಯಲ್ಲೂ ಬಿಜೆಪಿ ಉತ್ತಮ ಸಾಧನೆ ಮಾಡಿದೆ. 8 ಕ್ಷೇತ್ರಗಳ ಪೈಕಿ ಬಿಜೆಪಿ 4, ತೃಣಮೂಲ ಕಾಂಗ್ರೆಸ್‌ 3 ಮತ್ತು ಕಾಂಗ್ರೆಸ್‌ ಒಂದು ಕ್ಷೇತ್ರದಲ್ಲಿ ಜಯ ಗಳಿಸಿದೆ.

1 ಕ್ಷೇತ್ರ ದಲ್ಲಿ ಶಾಸಕರ ನಿಧನ ಮತ್ತು ಏಳು ಕ್ಷೇತ್ರಗಳಲ್ಲಿ ಆಡಳಿತಾರೂಢ ಶಾಸಕರು ಲೋಕಸಭೆಗೆ ಸ್ಪರ್ಧಿಸಿದ ಕಾರಣ ತಮ್ಮ ಸ್ಥಾನಗಳಿಗೆ ರಾಜಿನಾಮೆ ನೀಡಿದ್ದರಿಂದ ಈ 8 ಕ್ಷೇತ್ರಗಳು ತೆರವಾಗಿದ್ದವು. ಭಾತು³ರ‌, ಡಾರ್ಜಿಲಿಂಗ್‌, ಹಬೀಬ್‌ಪುರ್‌, ಇಸ್ಲಾಂಪುರ್‌, ಕಂಡಿ, ಕೃಷ್ಣಗಂಜ್‌, ನೌಡ, ಉಲುಬೇರಿಯದಲ್ಲಿ ಸಾರ್ವತ್ರಿಕ ಚುನಾವಣೆ ಸಂದರ್ಭದಲ್ಲಿಯೇ ಮರು ಚುನಾವಣೆ ನಡೆಸಲಾಗಿತ್ತು.