ಸೋಂಕಿತರಿಗೆ ಬೆಮಲ್‌ ಸಂಭ್ರಮ ಮೆಡಿಕಲ್‌ ಕಾಲೇಜಿನಲ್ಲಿ ಹಾಸಿಗೆ

ಕೆಜಿಎಫ್: ಹಾಸಿಗೆ ಸಿಗದೆ ಪರದಾಡುತ್ತಿರುವ ಸೋಂಕಿತರಿಗೆಬೆಮಲ್‌ ನಗರದ ಸಂಭ್ರಮ ಮೆಡಿಕಲ್‌ ಕಾಲೇಜು ಸಿಹಿ ಸುದ್ದಿತಂದಿದೆ. ಆಸ್ಪತ್ರೆಯಲ್ಲಿ 250 ಹಾಸಿಗೆ ಸಾಮರ್ಥ್ಯದ ಕೋವಿಡ್‌ವಾರ್ಡ್‌ ಅನ್ನು ತೆರೆದಿದೆ. ಸುಸಜ್ಜಿತ ವಾರ್ಡ್‌ನಲ್ಲಿ ಸರ್ಕಾರದಿಂದ ನಿಯೋಜನೆಯಾಗುವ 250 ಸೋಂಕಿತರಿಗೆ ದಾಖಲಾತಿ ಸೌಲಭ್ಯವನ್ನು ನೀಡಲಾಗುತ್ತಿದೆ.

ಅವುಗಳ ಪೈಕಿ 30 ಆಕ್ಸಿಜನ್‌ಯುಕ್ತ ಹಾಸಿಗೆಗಳಾಗಿದೆ.ಸರ್ಕಾರದಿಂದ ನಿಯೋಜನೆಯಾದ ಎಲ್ಲಾ ಸೋಂಕಿತರಿಗೂಉಚಿತ ಔಷಧ, ಊಟ ನೀಡಲಾಗುತ್ತಿದೆ ಎಂದು ಆಸ್ಪತ್ರೆಯ ಆರ್‌ಎಂಒ ಡಾ.ಮಹಾಲಿಂಗಂ ತಿಳಿಸಿದ್ದಾರೆ. ಜಿಲ್ಲೆಯಲ್ಲಿ ತೀವ್ರ ರೀತಿಯಲ್ಲಿ ಹರಡುತ್ತಿರುವ ಕೋವಿಡ್‌ಎರಡನೇ ಅಲೆಯಿಂದಾಗಿ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿದೆ.

ಸಂಭ್ರಮ ಮೆಡಿಕಲ್‌ ಕಾಲೇಜಿನಲ್ಲಿ ಈಗಾಗಲೇ ಕೋವಿಡ್‌ ಪರೀಕ್ಷೆನಡೆಸಲಾಗುತ್ತಿದೆ. ಈಗ ಸುಸಜ್ಜಿತ ಕೋವಿಡ್‌ ವಾರ್ಡ್‌ಅನ್ನುಸಿದ್ಧಗೊಳಿಸಲಾಗಿದೆ ಎಂದು ಅವರು ತಿಳಿಸಿದ್ದಾರೆ. ಆಸ್ಪತ್ರೆಯಲ್ಲಿವೆಂಟಿಲೇಟರ್‌ ಅವಶ್ಯಕತೆ ಇದೆ. ಜಿಲ್ಲಾಡಳಿತದೊಂದಿಗೆ ಮಾತನಾಡಿ, ಕೆಲವೇ ದಿನಗಳಲ್ಲಿ ವೆಂಟಿಲೇಟರ್‌ ಸೌಲಭ್ಯ ಕೂಡ ಒದಗಿಸಲು ಪ್ರಯತ್ನ ಪಡಲಾಗುತ್ತಿದೆ.

ಇದರ ಜೊತೆಗೆ ಖಾಸಗಿಯಾಗಿಕೋವಿಡ್‌ ರೋಗಿಗಳಿಗೆ 30 ಆಕ್ಸಿಜನ್‌ ಯುಕ್ತ ಹಾಸಿಗೆಯನ್ನುಸಹ ಸಿದ್ಧಪಡಿಸಲಾಗಿದೆ ಎಂದು ಡಾ.ಮಹಾಲಿಂಗಂ ತಿಳಿಸಿದ್ದಾರೆ.