ISRO ದಿಂದ ಇಂಧನ ಉತ್ಪಾದನ ಘಟಕ ಪರೀಕ್ಷೆ ಯಶಸ್ವಿ

ಹೊಸದಿಲ್ಲಿ: ಬಾಹ್ಯಾಕಾಶದಲ್ಲಿರುವ ಸಾಧನಗಳಿಗೆ ಇಂಧನ ಪೂರೈಸಬಲ್ಲ, ಭವಿಷ್ಯದಲ್ಲಿ ಮಹತ್ವದ ಪಾತ್ರ­ವಹಿ­ಸ­ಬಲ್ಲ ಇಂಧನ ಘಟಕವೊಂದನ್ನು; ಇಸ್ರೋ ಯಶಸ್ವಿಯಾಗಿ ಪರೀಕ್ಷೆ ನಡೆಸಿದೆ. ಜ.1ರಂದು ಇಸ್ರೋ ಉಡಾವಣೆಗೊಳಿಸಿದ ಪಿಎಸ್‌ಎಲ್‌ವಿ-ಸಿ58 ನೌಕೆಯಲ್ಲೇ 100 ವ್ಯಾಟ್‌ ಸಾಮರ್ಥ್ಯದ ಎಫ್ಸಿಪಿಎಸ್‌ (ಪಾಲಿಮರ್‌ ಎಲೆಕ್ಟ್ರೋಲೈಟ್‌ ಮೆಂಬ್ರೇನ್‌ ಫ್ಯೂಯೆಲ್‌ ಸೆಲ್‌) ಅನ್ನೂ ಕಳುಹಿಸಿಕೊಟ್ಟಿದೆ. ಅದು ರಾಕೆಟ್‌ನಲ್ಲಿ ಅತೀ ಒತ್ತಡದಲ್ಲಿ ಇಡಲ್ಪಟ್ಟಿದ ಜಲಜನಕ ಮತ್ತು ಆಮ್ಲಜನಕವನ್ನು ಬಳಸಿಕೊಂಡು ಇದುವರೆಗೆ 180 ವ್ಯಾಟ್‌ ವಿದ್ಯುತ್‌ ಅನ್ನು ಉತ್ಪಾದಿಸಿದೆ.

ಲಾಭಗಳೇನು?: ಬಾಹ್ಯಾಕಾಶದಲ್ಲಿ ಈ ಇಂಧನ ಹೇಗೆ ಕಾರ್ಯಾಚರಣೆ ಮಾಡುತ್ತದೆ, ಏನೇನೆಲ್ಲ ಸವಾಲು­ ಎದುರಾಗಬಹುದು ಎಂದು ಅರಿ ಯು ವುದು ಇಸ್ರೋ ಉದ್ದೇಶವಾಗಿತ್ತು. ಇಲ್ಲಿ ಸಿಗುವ ಮಾಹಿತಿಯಿಂದ ಮುಂದಿನ ಇಂಧನ ಘಟಕಗಳನ್ನು ಹೇಗೆ ಸಿದ್ಧಪಡಿಸಬಹುದೆಂಬ ತಿಳಿವಳಿಕೆ ಸಿಗುತ್ತದೆ. ಜ.1ರಂದು ಪಿಎಸ್‌ಎಲ್‌ವಿ ರಾಕೆಟ್‌ನಲ್ಲಿ ಅತೀ ಕಡಿಮೆ ಅವಧಿಯಲ್ಲಿ ಈ ಸಾಧನ ಪರೀಕ್ಷೆಗೊಳಪಡಿ ಸಿದಾಗ, 180 ವ್ಯಾಟ್‌ ವಿದ್ಯುತ್‌ ಯಶಸ್ವಿಯಾಗಿ ಉತ್ಪಾದನೆಯಾಗಿದೆ ಎಂದು ಇಸ್ರೋ ಹೇಳಿದೆ.