ಬಾರಾಮುಲ್ಲಾದಲ್ಲಿ ಲಷ್ಕರ್‌ ಉಗ್ರರಿಂದ ಮೂವರು ತರುಣರ ಹತ್ಯೆ

ಜಮ್ಮು ಕಾಶ್ಮೀರ : ಜಮ್ಮು ಕಾಶ್ಮೀರದ ಬಾರಾಮುಲ್ಲಾ ಜಿಲ್ಲೆಯಲ್ಲಿ ಉಗ್ರರು ದಾಳಿ ನಡೆಸಿ ಮೂವರು ತರುಣರನ್ನು ಕೊಂದಿದ್ದಾರೆ.

ಬಾರಾಮುಲ್ಲಾ ಜಿಲ್ಲೆಯ ಹಳೇ ಪಟ್ಟಣದಲ್ಲಿ ಲಷ್ಕರ್‌ ಎ ತಯ್ಯಬ ಉಗ್ರರು ದಾಳಿ ನಡೆಸಿ ಮೂವರು ಪೌರರನ್ನು ಕೊಂದರು ಎಂದು ಪೊಲೀಸರು ತಿಳಿಸಿದ್ದಾರೆ.

ಘಟನೆಯನ್ನು ಟ್ಟಿಟರ್‌ನಲ್ಲಿ ದೃಢೀಕರಿಸಿರುವ ಜಮ್ಮು ಕಾಶ್ಮೀರ ಡಿಜಿಪಿ ಶೇಷ ಪಾಲ್‌ ವೇದ್‌ ಅವರು “ಬಾರಾಮುಲ್ಲಾದಲ್ಲಿ ಲಷ್ಕರ್‌ಉಗ್ರರು ಮೂವರು ಅಮಾಯಕ ತರುಣರನ್ನು ಗುಂಡಿಕ್ಕಿ ಕೊಂದರು. ಕಾಶ್ಮೀರ ಕಣಿವೆಯಲ್ಲಿ ಸಾಮಾನ್ಯ ನರ ಬದುಕು ಯಾವ ರೀತಿ ಭಯೋತ್ಪಾದನೆಯ ಬೆದರಿಕೆಗೆ ಗುರಿಯಾಗಿದೆ ಎಂಬುದು ಈ ಘಟನೆಯಿಂದ ಗೊತ್ತಾಗುತ್ತದೆ’ ಎಂದು ಹೇಳಿದ್ದಾರೆ.