Telecom ಶುಲ್ಕ ಏರಿಕೆ: ಗ್ರಾಹಕರ ಒಲವು ಈಗ ಬಿಎಸ್‌ಎನ್‌ಎಲ್‌ನತ್ತ?

ಹೊಸದಿಲ್ಲಿ: ವೋಡಾಫೋನ್‌ ಐಡಿಯಾ ಸೇರಿ ಹಲವು ಖಾಸಗಿ ಟೆಲಿಕಾಂ ಸೇವಾ ಸಂಸ್ಥೆಗಳು ಇತ್ತೀಚೆಗೆ ಶುಲ್ಕ ಹೆಚ್ಚಳ ಘೋಷಿಸಿದ ಬೆನ್ನಲ್ಲೇ ವೋಡಾಫೋನ್‌ನ ಹಲವು ಗ್ರಾಹಕರು ಬಿಎಸ್‌ಎನ್‌ಎಲ್‌ಗೆ ಸೇವೆ (ಪೋರ್ಟ್‌) ಬದಲಿಸಿ­ಕೊಂಡಿರುವುದು ವರದಿಯಾಗಿದೆ.

ಈ ಬಗ್ಗೆ ಖುದ್ದು ವೋಡಾಫೋನ್‌ನ ಸಿಇಒ ಅಕ್ಷಯಾ ಮೂಂಡ್ರಾ ಮಾಹಿತಿ ನೀಡಿದ್ದಾರೆ. ಕಳೆದ ತಿಂಗಳು ಏರ್‌ಟೆಲ್‌, ರಿಲಯನ್ಸ್‌ ಜಿಯೋ, ವೊಡಾಫೋನ್‌ಗಳು ಪೋಸ್ಟ್‌ಪೇಯ್ಡ ಮತ್ತು ಪ್ರೀಪೇಯ್ಡ ಸೇವೆ ಶುಲ್ಕವನ್ನು ಶೇ.25ರಷ್ಟು ಹೆಚ್ಚಿಸಿದ್ದವು. ಆ ಬಳಿಕ ಬಿಎಸ್‌ಎನ್‌ಎಲ್‌ಗೆ ಪೋರ್ಟ್‌ ಆಗುತ್ತಿರುವ ಗ್ರಾಹಕರ ಸಂಖ್ಯೆ ಹೆಚ್ಚಳವಾಗಿದೆ.

ಬಿಎಸ್‌ಎನ್‌ಎಲ್‌ ಶುಲ್ಕ ಹೆಚ್ಚಳ ಮಾಡದಿರುವುದೇ ಇದಕ್ಕೆ ಕಾರಣವಾಗಿದೆ ಎನ್ನಲಾಗುತ್ತಿದೆ.