Advertisement
ಎರಡನೇ ಇನ್ನಿಂಗ್ಸ್‌ ನಲ್ಲಿ 234 ರನ್‌ ಗಳಿಗೆ ಆಸೀಸ್‌ ತಂಡವು ಆಲೌಟಾಯಿತು. ಭಾರತದ ಗೆಲುವಿಗೆ 340 ರನ್‌ ಗುರಿ ನೀಡಿತು. ಆದರೆ ಭಾರತ ತಂಡವು ಇನ್ನೂ 13 ಓವರ್‌ ಬಾಕಿ ಇರುವಂತೆ 155 ರನ್‌ ಗಳಿಗೆ ಆಲೌಟಾಗಿ ಸೋಲೊಪ್ಪಿಕೊಂಡಿತು.
Related Articles
Advertisement
ರಿಷಭ್‌ ಪಂತ್‌ 30 ರನ್‌ ಮಾಡಿದರು. ಉತ್ತಮವಾಗಿ ಕಾಣುತ್ತಿದ್ದ ಪಂತ್‌ 104 ಎಸೆತ ಎದುರಿಸಿ ಬಳಿಕ ದೊಡ್ಡ ಹೊಡೆತಕ್ಕೆ ಕೈಹಾಕಿ ಔಟಾದರು. ಉಳಿದೆಲ್ಲಾ ಆಟಗಾರರದ್ದು ಪೆವಿಲಿಯನ್‌ ಪರೇಡ್. ವಿಪರ್ಯಾಸ ಎಂದರೆ ಪ್ರಮುಖ ಇನ್ನಿಂಗ್ಸ್‌ ನಲ್ಲಿ ಎರಡಂಕಿ ಮೊತ್ತ ದಾಖಲಿಸಿದ್ದು ಜೈಸ್ವಾಲ್‌ ಮತ್ತು ಪಂತ್‌ ಮಾತ್ರ.
ಆಸೀಸ್‌ ಪರ ನಾಯಕ ಪ್ಯಾಟ್‌ ಕಮಿನ್ಸ್‌ ಮತ್ತು ಸ್ಕಾಟ ಬೋಲ್ಯಾಂಡ್‌ ತಲಾ ಮೂರು ವಿಕೆಟ್‌ ಕಿತ್ತರು. ನಾಥನ್‌ ಲಿಯಾನ್‌ ಎರಡು ಮತ್ತು ಟ್ರಾವಿಸ್‌ ಹೆಡ್‌ ಒಂದು ವಿಕೆಟ್‌ ಪಡೆದರು.
ಈ ಜಯದೊಂದಿಗೆ ಆಸೀಸ್‌ ಸರಣಿಯಲ್ಲಿ 2-1 ಅಂತರದ ಮುನ್ನಡೆ ಸಾಧಿಸಿತು. ಈ ಸೋಲಿನೊಂದಿಗೆ ವಿಶ್ವ ಟೆಸ್ಟ್‌ ಚಾಂಪಿಯನ್‌ ಶಿಪ್‌ ತಲುಪುವ ಭಾರತದ ಹಾದಿ ಮತ್ತಷ್ಟು ಕಠಿಣವಾಗಿದೆ. ಮುಂದಿನ ಪಂದ್ಯವು ಸಿಡ್ನಿಯಲ್ಲಿ ಜನವರಿ 3ರಂದು ನಡೆಯಲಿದೆ.