ಟಾಟಾ ಜೆಟ್‌ ಎಡಿಷನ್‌ ಬಿಡುಗಡೆ; ನೆಕ್ಸಾನ್‌, ಹ್ಯಾರಿಯರ್‌, ಸಫಾರಿ ಹೊಸ ಆವೃತ್ತಿ

ಟಾಟಾ ಮೋಟಾರ್ಸ್‌ ಸಂಸ್ಥೆಯು ತನ್ನ ನೆಕ್ಸಾನ್‌, ಹ್ಯಾರಿಯರ್‌ ಮತ್ತು ಸಫಾರಿ ಎಸ್‌ಯುವಿ ಅಲ್ಲಿ ಜೆಟ್‌ ಎಡಿಷನ್‌ ಅನ್ನು ಬಿಡುಗಡೆ ಮಾಡಿದೆ.

ಈ ಕಾರುಗಳಿಗೆ ಕಂಚಿನ ಬಣ್ಣದ ಬಾಡಿ ಜತೆ ಪ್ಲಾಟಿನಂ ಸಿಲ್ವರ್‌ ಬಣ್ಣದ ರೂಫ್ ಇದೆ. ಈ ಎಡಿಷನ್‌ನಲ್ಲಿ ಪ್ಯಾನಿಕ್‌ ಬ್ರೇಕ್‌ ಅಲರ್ಟ್‌, ಡ್ರೈವರ್‌ ಡೋಜ್‌ ಆಫ್ ಅಲರ್ಟ್‌ ಸೇರಿದಂತೆ ಅನೇಕ ಸುರಕ್ಷತೆಯ ಸೌಲಭ್ಯಗಳನ್ನು ಹೆಚ್ಚಿಸಲಾಗಿದೆ.

ನೆಕ್ಸಾನ್‌ ಜೆಟ್‌ ಎಡಿಷನ್‌ ಬೆಲೆ 12.14 ಲಕ್ಷ ರೂ.(ಎಕ್ಸ್‌ ಶೋ ರೂಂ)ನಿಂದ ಆರಂಭವಾದರೆ ಹ್ಯಾರಿಯರ್‌ ಜೆಟ್‌ ಬೆಲೆ 20.90 ಲಕ್ಷ ರೂ. ಹಾಗೂ ಸಫಾರಿ ಜೆಟ್‌ ಬೆಲೆ 21.35 ಲಕ್ಷ ರೂ.ನಿಂದ ಆರಂಭ.