ಭಾರತೀಯ ಕುಸ್ತಿ ಫೆಡರೇಷನ್‌’ನೊಂದಿಗಿನ ಒಪ್ಪಂದ ಮುಂದುವರಿಸಿದ ಟಾಟಾ

ಹೊಸದಿಲ್ಲಿ : ಭಾರತದ ಕುಸ್ತಿಯ ಪ್ರಧಾನ ಪ್ರಾಯೋಜಕ ಸಂಸ್ಥೆಯಾಗಿರುವ ಟಾಟಾ ಮೋಟಾರ್, “ಭಾರತೀಯ ಕುಸ್ತಿ ಫೆಡರೇಷನ್‌’ನೊಂದಿಗಿನ (ಡಬ್ಲ್ಯುಎಫ್ಐ) ಒಪ್ಪಂದವನ್ನು 2024ರ ವರೆಗೆ ವಿಸ್ತರಿಸಿದೆ.

ಪ್ಯಾರಿಸ್‌ ಒಲಿಂಪಿಕ್ಸ್‌ನಲ್ಲಿ ಕುಸ್ತಿಪಟುಗಳು ಚಿನ್ನ ಗೆಲ್ಲಬೇಕೆಂಬ ಗುರಿಯೊಂದಿಗೆ ತಾವು ಡಬ್ಲ್ಯುಎಫ್ಐನೊಂದಿಗೆ ಮುಂದುವರಿಯುತ್ತಿರುವುದಾಗಿ ಟಾಟಾ ಕಾರ್ಯನಿರ್ವಾಹಕ ನಿರ್ದೇಶಕ ಗಿರೀಶ್‌ ವಾಘ್ ಹೇಳಿದ್ದಾರೆ. ಜೂನಿಯರ್‌ ವಿಭಾಗದ 60 ಮಂದಿಗೆ ಶಿಷ್ಯವೇತನ ನೀಡುವ ಜತೆಗೆ ಡಬ್ಲ್ಯುಎಫ್ಐ ಗುರುತಿಸುವ 30 ಮಂದಿ ಪ್ರತಿಭಾವಂತ ಕುಸ್ತಿಪಟುಗಳನ್ನು ದತ್ತು ತೆಗೆದುಕೊಳ್ಳುವುದಾಗಿಯೂ ಟಾಟಾ ಘೋಷಿಸಿದೆ. 2018ರ ಜುಲೈ ಒಂದರಂದು ಟಾಟಾ ಮೋಟಾರ್ ಮತ್ತು ಡಬ್ಲ್ಯುಎಫ್ಐ ಒಪ್ಪಂದ ಏರ್ಪಟ್ಟಿತ್ತು.

ಇದನ್ನೂ ಓದಿ :ಪದ್ಮ ಪ್ರಶಸ್ತಿಗೆ 3 ವೈದ್ಯರ ಹೆಸರು ಅಂತಿಮ : ಅರವಿಂದ ಕೇಜ್ರಿವಾಲ್‌

“ನಾವು ಎಲೈಟ್‌ ಕುಸ್ತಿಪಟುಗಳಿಗೆ ಮಾತ್ರ ಹೆಚ್ಚಿನ ನೆರವು ನೀಡುತ್ತಿದ್ದೆವು. ಟಾಟಾ ಮೋಟಾರ್ನಿಂದಾಗಿ ಗ್ರಾಮೀಣ ಭಾಗಗಳಿಂದಲೂ ಕುಸ್ತಿಪಟುಗಳು ಮುನ್ನೆಲೆಗೆ ಬರುತ್ತಿದ್ದಾರೆ’ ಎಂದು ಡಬ್ಲ್ಯುಎಫ್ಐ ಅಧ್ಯಕ್ಷ ಬೃಜ್‌ಭೂಷಣ್‌ ಸಿಂಗ್‌ ಹೇಳಿದರು.