Advertisement
ತುಮಕೂರಿನ ಶಿರಾ ರಸ್ತೆಯಲ್ಲಿ ಶ್ರೀದೇವಿ ಮೆಡಿಕಲ್‌ ಕಾಲೇಜ್‌ ಇದೆ. ಇಲ್ಲಿ ನಿಂತರೆ ಬಿಸಿ ಬಿಸಿ ಇಡ್ಲಿ, ಮಿರ್ಚಿ ಘಮ್ಮೆನ್ನುತ್ತದೆ. ಹುಡುಕುತ್ತಾ ಹೊರಟರೆ ಎದುರಿಗೆ ಸಿಗುವುದು ವಾಸವಿ ಟಿಫ‌ನ್‌ ಸೆಂಟರ್‌. ಸುತ್ತಮುತ್ತಲ ಬಡಾವಣೆಗಳ ನಾಗರಿಕರಿಗೆ ಇದು ಅಚ್ಚು ಮೆಚ್ಚಿನ ಕ್ಯಾಂಟಿನ್‌. ಇಲ್ಲಿನ ತಿಂಡಿಗಳು ರುಚಿಯಾಗಿರುವುದಷ್ಟೇ ಅಲ್ಲ; ಗ್ರಾಹಕರ ಜೇಬಿಗೂ ಹೊರೆಯಾಗುವುದಿಲ್ಲ.
ಇಲ್ಲಿ 40 ರೂ.ಕೊಟ್ಟರೆ 3 ಮೃದುವಾದ ಇಡ್ಲಿ, ಅರ್ಧ ಪ್ಲೇಟ್‌ ರೈಸ್‌ ಬಾತ್‌ ಹಾಗೂ ಒಂದು ಮಿರ್ಚಿ ಸಿಗುತ್ತದೆ. ಬೇರೆ ಹೋಟೆಲ್‌ಗ‌ಳಲ್ಲಿರುವಂತೆ ಇಲ್ಲಿ ಹತ್ತಾರು ರೀತಿಯ ತಿಂಡಿಗಳು ಸಿಗುವುದಿಲ್ಲ. ಇಡ್ಲಿ, ಮಿರ್ಚಿ ಹಾಗೂ ದೋಸೆ ಪ್ರತಿದಿನ ಇದ್ದೇ ಇರುತ್ತದೆ. ಇದರ ಜೊತೆ ದಿನವೂ ಯಾವುದಾದರೂ ಎರಡು ರೈಸ್‌ ಐಟಂಗಳು ಜೊತೆಯಾಗುತ್ತವೆ. ವಾರದಲ್ಲಿ ಒಂದೆರಡು ದಿನ ಪೂರಿಸಾಗು ಹಾಗೂ ಉಪ್ಪಿಟ್ಟು ಮಾಡುತ್ತಾರೆ. ಮಾಡಿದ ಯಾವುದೇ ಐಟಂ ಉಳಿಯುವುದಿಲ್ಲ. ಬೆಳಗ್ಗೆ 7ರಿಂದ 11ರ ತನಕ ಈ ತಿಂಡಿಗಳು. ಸಂಜೆ ನಾಲ್ಕರಿಂದ ಏಳರ ತನಕ ಗರಿಗರಿ ಖಾರ ಮಂಡಕ್ಕಿ, ಮಿರ್ಚಿ ಹಾಗೂ ಮಂಡಕ್ಕಿ ಹುಸ್ಲಿ ಸಿಗುತ್ತದೆ.
Related Articles
Advertisement
ಶಿರಾ ರಸ್ತೆಯ ಸುತ್ತಮುತ್ತಲಿರುವ ನೌಕರರಿಗೆ, ಕೆಲಸ ಮಾಡುವ, ಮೆಡಿಕಲ್‌ ಕಾಲೇಜ್‌ನ ವಿದ್ಯಾರ್ಥಿಗಳಿಗೆ ವಾಸವಿ ಅಚ್ಚುಮೆಚ್ಚಿನ ಹೋಟೆಲ್‌. ದಾವಣಗೆರೆ, ಚಿತ್ರದುರ್ಗ ಹುಬ್ಬಳ್ಳಿ ಕಡೆಗೆ ಪ್ರಯಾಣಿಸುವವರು ಇಲ್ಲೇ ತಿಂಡಿ ತಿಂದು ಮುಂದೆ ಹೋಗುತ್ತಾರೆ.
— ಪ್ರಕಾಶ್‌ ಕೆ.ನಾಡಿಗ್‌, ತುಮಕೂರು