ಆಂಧ್ರ ಪ್ರದೇಶ ವಿಧಾನಸಭೆಯ ಸ್ಪೀಕರ್‌ ಆಗಿ ತಮ್ಮಿನೇನಿ ಸೀತಾರಾಮ ಆಯ್ಕೆ

ಅಮರಾವತಿ, ಆಂಧ್ರ ಪ್ರದೇಶ : ಹಿರಿಯ ಶಾಸಕ ತಮ್ಮಿನೇನಿ ಸೀತಾರಾಮ ಅವರನ್ನು ಆಂಧ್ರ ಪ್ರದೇಶ ವಿಧಾನಸಭೆಯ ಸ್ಪೀಕರ್‌ ಆಗಿ ಇಂದು ಗುರುವಾರ ಸರ್ವಾನುಮತದಿಂದ ಚುನಾಯಿಸಲಾಯಿತು.

ಸೀತಾರಾಮ ಅವರು ಆರನೇ ಬಾರಿಗೆ ವಿಧಾನಸಭೆಗೆ ಆಯ್ಕೆಯಾಗಿದ್ದು ಪ್ರಕೃತ ಅವರು ಶ್ರೀಕಾಕುಳಂ ಜಿಲ್ಲೆಯ ಅಮುದಲವಲಸ ಕ್ಷೇತ್ರವನ್ನು ವೈಎಸ್‌ಆರ್‌ ಅಭ್ಯರ್ಥಿಯಾಗಿ ಪ್ರತಿನಿಧಿಸುತ್ತಿದ್ದಾರೆ.

ಮಧ್ಯಾಂತರ ಸ್ಪೀಕರ್‌ ಎಸ್‌ ವಿ ಸಿ ಅಪ್ಪಲನಾಯ್ಡು ಅವರು ಸೀತಾರಾಮ ಅವರ ಆಯ್ಕೆಯನ್ನು ಇಂದು ಸದನದಲ್ಲಿ ಪ್ರಕಟಿಸಿದರು.