ಭತ್ತದ ಪೈರು ನಾಟಿ ಮಾಡಿದ ತಹಶೀಲ್ದಾರ್‌

ಶ್ರೀರಂಗಪಟ್ಟಣ: ತಾಲೂಕಿನ ನಗುವನಹಳ್ಳಿ ಗ್ರಾಮದಲ್ಲಿ ಅಧಿಕಾರಿಗಳೊಂದಿಗೆ ಗ್ರಾಮ ವಾಸ್ತವ್ಯ ಮಾಡಿದ ತಹಶೀಲ್ದಾರ್‌ ಎಂ.ವಿ.ರೂಪ ಭತ್ತದ ಪೈರು ನಾಟಿ ಮಾಡಿ ಗ್ರಾಮಸ್ಥರ ಗಮನ ಸೆಳೆದರು.

ನಗುವನಹಳ್ಳಿ ಗ್ರಾಮದಲ್ಲಿ ವಿವಿಧ ಇಲಾಖೆ ಅಧಿಕಾರಿಗಳೊಂದಿಗೆ ಗ್ರಾಮ ವಾಸ್ತವ್ಯ ಮಾಡಿ, ಗ್ರಾಮದ ವಿವಿಧ ಸಮಸ್ಯೆ ಪರಿಶೀಲನೆಗೆ ಅಧಿಕಾರಿಗಳೊಂದಿಗೆ ತೆರಳುವ ವೇಳ ಗ್ರಾಮದ ಬಳಿಯೇ ಬಸವರಾಜಪ್ಪ ಎಂಬುವರು ತಮ್ಮ ಜಮೀನಿನಲ್ಲಿ ಭತ್ತದ ನಾಟಿ ಕಾರ್ಯ ಮಾಡುತ್ತಿದ್ದರು. ಇದನ್ನು ಕಂಡ ತಹಶೀಲ್ದಾರ್‌ ಗದ್ದೆಯಲ್ಲಿ ನಾಟಿ ಕಾರ್ಯದಲ್ಲಿ ತೊಡಗಿದ್ದ ರೈತ ಮಹಿಳೆಯರನ್ನು ಮಾತನಾಡಿಸಿ, ಗ್ರಾಪಂ ಅಧ್ಯಕ್ಷೆ ಲತಾ ಅವರೊಂದಿಗೆ ನಾಟಿ ಕಾರ್ಯ ಮಾಡಿ ರೈತರು, ಕೂಲಿಕಾರ್ಮಿಕರ ಗಮನ ಸೆಳೆದರು.