ಟೇಬಲ್‌ ಟೆನಿಸ್‌: ಭಾರತಕ್ಕೆ ಪದಕ ಖಾತ್ರಿ

ಜಕಾರ್ತಾ: ಏಶ್ಯಾಡ್‌ ಇತಿಹಾಸದಲ್ಲೇ ಭಾರತಕ್ಕೆ ಮೊದಲ ಬಾರಿಗೆ ಟೇಬಲ್‌ ಟೆನಿಸ್‌ ಪದಕವೊಂದು ಒಲಿದು ಬರಲಿದೆ. ಸೋಮವಾರದ ಪುರುಷರ ತಂಡ ಸ್ಪರ್ಧೆಯಲ್ಲಿ ಬಲಿಷ್ಠ ಜಪಾನ್‌ಗೆ 3-1 ಅಂತರದ ಸೋಲುಣಿಸಿ ಸೆಮಿ ಪ್ರವೇಶಿಸುವ ಮೂಲಕ ಭಾರತ ಈ ಸಾಧನೆ ಮಾಡಿತು. 

ಸಾಥಿಯನ್‌ ಜಿ. ಅವಳಿ ಗೆಲುವುಗಳ ಮೂಲಕ ಭಾರತದ ಮುನ್ನಡೆಯಲಿ ಪ್ರಮುಖ ಪಾತ್ರ ವಹಿಸಿದರು. ಅವರು ಜಿನ್‌ ಯುಡ ವಿರುದ್ಧ 11-9, 11-9, 11-7 ಹಾಗೂ ಕೆಂಟ ಮತ್ಸುದೈರ ವಿರುದ್ಧ 12-10, 6-11, 11-7, 11-4 ಅಂತರದಿಂದ ಗೆದ್ದು ಬಂದರು. ಅಚಂತ ಶರತ್‌ ಕಮಲ್‌ 11-8, 12-10, 11-8 ಅಂತರದಿಂದ ಕೆಂಟ ಮತ್ಸುದೈರ ವಿರುದ್ಧ ಜಯ ಸಾಧಿಸಿದರು.