T20 series; ದಕ್ಷಿಣ ಆಫ್ರಿಕಾ ವಿರುದ್ಧ ಕ್ಲೀನ್‌ಸ್ವೀಪ್ ಸಾಧಿಸಿದ ಆಸ್ಟ್ರೇಲಿಯ

ಡರ್ಬನ್‌: ಆತಿಥೇಯ ದಕ್ಷಿಣ ಆಫ್ರಿಕಾವನ್ನು 3ನೇ ಪಂದ್ಯದಲ್ಲೂ ಸೋಲಿಸಿದ ಆಸ್ಟ್ರೇಲಿಯ ಟಿ20 ಸರಣಿಯನ್ನು ಕ್ಲೀನ್‌ಸ್ವೀಪ್ ಆಗಿ ವಶಪಡಿಸಿ ಕೊಂಡಿದೆ. ರವಿವಾರ ಇಲ್ಲಿ ನಡೆದ ದೊಡ್ಡ ಮೊತ್ತದ ಪಂದ್ಯವನ್ನು ಆಸೀಸ್‌ 5 ವಿಕೆಟ್‌ಗಳಿಂದ ಜಯಿಸಿತು.

ದಕ್ಷಿಣ ಆಫ್ರಿಕಾ 8ಕ್ಕೆ 190 ರನ್‌ ಪೇರಿಸಿಯೂ ಪಂದ್ಯವನ್ನು ಉಳಿಸಿಕೊಳ್ಳುವಲ್ಲಿ ವಿಫ‌ಲವಾಯಿತು. ಆಸ್ಟ್ರೇಲಿಯ 17.5 ಓವರ್‌ಗಳಲ್ಲಿ 5 ವಿಕೆಟಿಗೆ 191 ರನ್‌ ಬಾರಿಸಿ ಜಯಭೇರಿ ಮೊಳಗಿಸಿತು.

ಆರಂಭಕಾರ ಟ್ರ್ಯಾವಿಸ್‌ ಹೆಡ್‌ 91, ಜೋಶ್‌ ಇಂಗ್ಲಿಸ್‌ 42, ಮಾರ್ಕಸ್‌ ಸ್ಟೋಯಿನಿಸ್‌ 37 ರನ್‌ ಬಾರಿಸಿ ಆಸೀಸ್‌ಗೆ ಅಮೋಘ ಗೆಲುವು ತಂದಿತ್ತರು. ದಕ್ಷಿಣ ಆಫ್ರಿಕಾದ ದೊಡ್ಡ ಮೊತ್ತದಲ್ಲಿ ಯಾರಿಂದಲೂ ಅರ್ಧ ಶತಕ ದಾಖಲಾಗಲಿಲ್ಲ. ಡೊನೊವಾನ್‌ ಫೆರೀರ ಸರ್ವಾಧಿಕ 48 ರನ್‌ ಹೊಡೆದರು.