T20: ಓವರ್‌ಗೆ 6 ಸಿಕ್ಸರ್‌ ಬಾರಿಸಿದ ನೇಪಾಲದ ಬ್ಯಾಟರ್‌

ಓಮನ್‌: ನೇಪಾಲದ ಬ್ಯಾಟರ್‌ ದೀಪೇಂದ್ರ ಸಿಂಗ್‌ ಐರೀ ಒಂದೇ ಓವರ್‌ನಲ್ಲಿ 6 ಸಿಕ್ಸರ್‌ ಬಾರಿಸುವ ಮೂಲಕ ದಾಖಲೆ ನಿರ್ಮಿಸಿದ್ದಾರೆ. ಈ ಮೂಲಕ ಅಂತಾರಾಷ್ಟ್ರೀಯ ಟಿ20 ಪಂದ್ಯದ ಒಂದೇ ಓವರ್‌ನಲ್ಲಿ ಆರು ಸಿಕ್ಸರ್‌ ಬಾರಿಸಿದ ಯುವರಾಜ್‌ ಸಿಂಗ್‌ ಹಾಗೂ ಕೈರನ್‌ ಪೊಲಾರ್ಡ್‌ ಅವರ ದಾಖಲೆಯನ್ನು ಸರಿಗಟ್ಟಿದ್ದಾರೆ.

ಟಿ20 ವಿಶ್ವಕಪ್‌ಗೆ ಪೂರ್ವಭಾವಿಯಾಗಿ ನಡೆಯುತ್ತಿರುವ ಟಿ20 ಪಂದ್ಯಾವಳಿಯಲ್ಲಿ ಐರೀ ಕತಾರ್‌ ವಿರುದ್ಧ ಈ ಸಾಧನೆ ಮಾಡಿದ್ದಾರೆ. ಕತಾರ್‌ನಕಮ್ರಾನ್‌ ಖಾನ್‌ ಎಸೆದ ಕೊನೆಯ ಓವರ್‌ನಲ್ಲಿ ಐರೀ ಎಲ್ಲ ಎಸೆತಗಳಿಗೆ ಸಿಕ್ಸರ್‌ ಬಾರಿಸಿದ್ದಾರೆ.

ದೀಪೇಂದ್ರ ಕ್ರಿಕೆಟ್‌ನಲ್ಲಿ ಈ ಸಾಧನಗೈದ 5ನೇ ಆಟಗಾರ. ಈ ಮೊದಲು ಹರ್ಷಲ್‌ ಗಿಬ್ಸ್ ಮತ್ತು ಅಮೆರಿಕದ ಜಾಸ್ಕರನ್‌ ಮಲ್ಹೋತ್ರಾ ಏಕದಿನ ಕ್ರಿಕೆಟ್‌ನಲ್ಲಿ ಈ ಸಾಧನೆ ಮಾಡಿದ್ದರು. ಈ ಪಂದ್ಯದಲ್ಲಿ ನೇಪಾಲ ಮೂರು ವಿಕೆಟಿಗೆ 314 ರನ್‌ ಪೇರಿಸಿರುವುದು ಕೂಡ ವಿಶ್ವದಾಖಲೆಯಾಗಿದೆ. ಆಬಳಿಕ ಕತಾರ್‌ ತೀವ್ರ ಬ್ಯಾಟಿಂಗ್‌ ಕುಸಿತ ಕಂಡಿದ್ದು ಕೇವಲ 41 ರನ್ನಿಗೆ ಆಲೌಟಾಗಿದೆ.