ಇಸ್ರೇಲ್‌ನ ಹಲವು ಕ್ಷಿಪಣಿಗಳನ್ನು ಹೊಡೆದುರಳಿಸಿದ್ದೇವೆ: ಸಿರಿಯಾ

ಡಮಾಸ್ಕಸ್‌ : “ನಮ್ಮ ದೇಶದ ದಕ್ಷಿಣ ಭಾಗವನ್ನು ಗುರಿ ಇರಿಸಿಕೊಂಡು ಇಸ್ರೇಲ್‌ ಉಡಾಯಿಸಿದ್ದ ಹಲವಾರು ಕ್ಷಿಪಣಿಗಳನ್ನು ನಾವು ಹೊಡೆದುರುಳಿಸಿದ್ದೇನೆ” ಎಂದು ಸಿರಿಯಾ ಹೇಳಿಕೊಂಡಿದೆ.

ಗೋಲಾನ್‌ ಹೈಟ್ಸ್‌ ಸಮೀಪದ ತಾಲ್‌ ಅಲ್‌ ಹಾರಾ ಸೆಕ್ಟರ್‌ ಮೇಲೆ ನಸುಕಿನ 2 ಗಂಟೆಯ ವೇಳೆಗೆ ಹಾರಿ ಬಂದ ಇಸ್ರೇಲ್‌ ಕ್ಷಿಪಣಿಗಳನ್ನು ಧ್ವಂಸಗೊಳಿಸಲಾಯಿತು ಎಂದು ಸಿರಿಯಾ ಸೇನೆ ಹೇಳಿರುವುದನ್ನು ಉಲ್ಲೇಖೀಸಿ ಸನಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ಇಸ್ರೇಲ್‌ನ ಈ ಕ್ಷಿಪಣಿಯ ಗುರಿ ನಿಖರವಾಗಿ ಯಾವುದಾಗಿತ್ತು ಎಂಬುದನ್ನು ಸಿರಿಯಾ ಹೇಳಿಲ್ಲ ಎಂದು ಸನಾ ವರದಿ ಮಾಡಿದೆ. ಇಸ್ರೇಲ್‌ “ಇಲೆಕ್ಟ್ರಾನಿಕ್‌ ವಾರ್‌’ ನಡೆಸುತ್ತಿದೆ ಮತ್ತು ಆಮೂಲ ಸಿರಿಯದ ರಾಡಾರ್‌ ಗಳನ್ನು ಜಾಮ್‌ ಮಾಡುತ್ತಿದೆ ಎಂದು ಸಿರಿಯಾ ಆರೋಪಿಸಿದೆ.