ಅಲ್ಲಾಹ್‌ ಪದ ಹುಟ್ಟಿದ್ದೇ ಸಂಸ್ಕೃತದಿಂದ! ಸ್ವಾಮಿ ನಿಶ್ಚ­ಲಾ­ನಂದ ಸರಸ್ವತಿ

ವಾರಾಣಸಿ: “ಅಲ್ಲಾಹ್‌ ಎನ್ನುವ ಪದ ಹುಟ್ಟಿಕೊಂಡಿದ್ದೇ ಸಂಸ್ಕೃತದಿಂದ ‘ಎಂದು ವಾರಾಣಸಿ ಗೋವರ್ಧನ ಪುರಿ ಮಠದ ಮುಖ್ಯಸ್ಥರಾದ ಜಗ­ದ್ಗುರು ಶಂಕರಾ­ಚಾರ್ಯ ಸ್ವಾಮಿ ನಿಶ್ಚ­ಲಾ­ನಂದ ಸರಸ್ವತಿ ಹೇಳಿದ್ದಾರೆ.

ಅಲ್ಲದೇ, ಈ ಪದವು ಶಕ್ತಿ ಸ್ವರೂಪದ ಸೂಚಕವಾಗಿದ್ದು, ದೇವಿ ದುರ್ಗೆಯನ್ನು ಆರಾಧಿಸಲು ಬಳಸಲಾಗುತ್ತಿತ್ತು. ಭಾರತದ ಪ್ರತೀ ಪ್ರಜೆಯೂ ಹಿಂದೆ “ವೈದಿಕ ಆರ್ಯ­ನ್ನರಾಗಿದ್ದರು’ ಎಂದು ಪ್ರತಿಪಾದಿಸಿದ್ದಾರೆ.

ಅಲ್ಲಾಹ್‌ ಮತ್ತು ಓಂ ಎರಡೂ ಪದಗಳು ಒಂದೇ ಎಂದು ಇತ್ತೀಚೆಗಷ್ಟೇ ಜಮೀಯತ್‌ ಮುಖ್ಯಸ್ಥ ಮೌಲಾನಾ ಸಯ್ಯದ್‌ ಅರ್ಶದ್‌ ನೀಡಿದ್ದ ಹೇಳಿಕೆಯನ್ನು ನಿಶ್ಚಲಾನಂದ ಸ್ವಾಮಿಗಳು ವಿರೋಧಿಸಿದ್ದಾರೆ.