15 ವರ್ಷ ಕಿರಿಯನ ಜತೆ ಸುಷ್ಮಿತಾ ಸೇನ್‌ವಿವಾಹ?

ಮುಂಬಯಿ: ಮಾಜಿ ವಿಶ್ವಸುಂದರಿ ಸುಷ್ಮಿತಾ ಸೇನ್‌ (42) ಮುಂದಿನ ವರ್ಷ ತಮ್ಮ ಪ್ರಿಯತಮ ಹಾಗೂ ಮಾಡೆಲ್‌ ರೋಹ್ಮನ್‌ ಶಾಲ್‌ (27)ರನ್ನು ವರಿಸಲಿದ್ದಾರೆಂದು ಮೂಲಗಳು ತಿಳಿಸಿವೆ. ಈ ವಿಚಾರವನ್ನು ಸುಷ್ಮಿತಾ ಸೇನ್‌ ಆಪ್ತರೊಬ್ಬರು ತನಗೆ ಮಾಹಿತಿ ನೀಡಿರುವುದಾಗಿ “ಡಿಎನ್‌ಎ ವರದಿ ಮಾಡಿದೆ. ಅದರ ಪ್ರಕಾರ, ಸುಷ್ಮಿತಾ ತನಗಿಂತ 15 ವರ್ಷ ಕಿರಿಯವರಾಗಿರುವ  ಶಾಲ್‌ ಜತೆ  ಕಳೆದೆರಡು ತಿಂಗಳಿನಿಂದ ಡೇಟಿಂಗ್‌ನಲ್ಲಿದ್ದಾರೆ. ಈ ಸಹಜೀವನ ಇಬ್ಬರಿಗೂ ಖುಷಿ ನೀಡುತ್ತಿರುವುದರಿಂದ ಇಬ್ಬರೂ ಮುಂದಿನ ವರ್ಷಾಂತ್ಯದ ಹೊತ್ತಿಗೆ ಮದುವೆಯಾಗುವ ನಿರ್ಧಾರಕ್ಕೆ ಬಂದಿದ್ದಾರೆನ್ನಲಾಗಿದೆ. ಶಾಲ್‌ ಅವರೇ ಮೊದಲು ಮದುವೆ ಪ್ರಸ್ತಾವನೆ ಮಾಡಿದ್ದು ಇದಕ್ಕೆ ಸುಷ್ಮಿತಾ ಒಪ್ಪಿದ್ದಾರೆ. ಇಬ್ಬರೂ ಸಾರ್ವಜನಿಕವಾಗಿ ಆಪ್ತತೆಯಿಂದ ಕಾಣಿಸಿಕೊಳ್ಳುತ್ತಿದ್ದಾರೆಂದು ಹೇಳಲಾಗಿದೆ.