Supreme Court ಈಗ ಹೌಸ್‌ಫುಲ್‌: 34 ಜಡ್ಜ್ ಗಳ ಪೂರ್ಣಬಲ

ಹೊಸದಿಲ್ಲಿ: ಜಮ್ಮು-ಕಾಶ್ಮೀರ ಹೈಕೋರ್ಟ್‌ ಸಿಜೆ ಎನ್‌. ಕೋಟೀಶ್ವರ್‌ ಸಿಂಗ್‌ ಮತ್ತು ಮದ್ರಾಸ್‌ ಹೈಕೋರ್ಟ್‌ನ ಪ್ರಭಾರ ಮುಖ್ಯ ನ್ಯಾಯಮೂರ್ತಿ ಆರ್‌.ಮಹಾದೇವನ್‌ ಅವರು ಗುರುವಾರ ಸುಪ್ರೀಂ ಕೋರ್ಟ್‌ ನ್ಯಾಯಮೂರ್ತಿಗಳಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದಾರೆ. ಈ ಮೂಲಕ ಸುಪ್ರೀಂ ಕೋರ್ಟ್‌ನ ಎಲ್ಲ 34 ಜಡ್ಜ್ಗಳ ಸ್ಥಾನವೂ(ಸಿಜೆಐ ಸೇರಿ) ಭರ್ತಿಯಾದಂತಾಗಿದೆ. ಇದೇ ವರ್ಷದ ಸೆ.1ರಂದು ನ್ಯಾ| ಹಿಮಾ ಕೊಹ್ಲಿ ಅವರು ನಿವೃತ್ತರಾಗಲಿದ್ದು, ಅಲ್ಲಿಯವರೆಗೆ ಸುಪ್ರೀಂ ಕೋರ್ಟ್‌ 34 ನ್ಯಾಯಮೂರ್ತಿಗಳ ಪೂರ್ಣ ಬಲವನ್ನು ಹೊಂದಿರಲಿದೆ. ನವೆಂಬರ್‌ 10ರಂದು ಹಾಲಿ ಮುಖ್ಯ ನ್ಯಾಯಮೂರ್ತಿ ಡಿ.ವೈ.ಚಂದ್ರಚೂಡ್‌ ನಿವೃತ್ತರಾಗಲಿದ್ದಾರೆ. ನ್ಯಾ| ಕೋಟೀಶ್ವರ್‌ ಸಿಂಗ್‌ ಅವರು ಮಣಿಪುರದಿಂದ ಸುಪ್ರೀಂಗೆ ಭಡ್ತಿ ಪಡೆದ ಮೊದಲ ನ್ಯಾಯಮೂರ್ತಿಯಾಗಿದ್ದಾರೆ.