Supplying Arms: ಇಸ್ರೇಲ್‌ಗೆ ಶಸ್ತ್ರಾಸ್ತ್ರ ರಫ್ತು ರದ್ದು ಕೋರಿ ಸುಪ್ರೀಂಗೆ ಪಿಐಎಲ್‌

ನವದೆಹಲಿ: ಗಾಜಾ ಮೇಲೆ ಯುದ್ಧ ಸಾರಿರುವ ಇಸ್ರೇಲ್‌ಗೆ ಭಾರತದಿಂದ ಶಸ್ತ್ರಾಸ್ತ್ರ, ಮಿಲಿಟರಿ ಉಪಕರಣ ಪೂರೈಸದಂತೆ ಕೋರಿ ಸುಪ್ರೀಂಕೋರ್ಟ್‌ಗೆ ಸಾರ್ವಜನಿಕ ಹಿತಾಸಕ್ತಿ ಮೊಕದ್ದಮೆ ಸಲ್ಲಿಕೆಯಾಗಿದೆ.

ಹಿರಿಯ ನ್ಯಾಯವಾದಿ ಪ್ರಶಾಂತ್‌ ಭೂಷಣ್‌ ಮೂಲಕ 11 ಮಂದಿ ಅರ್ಜಿ ಸಲ್ಲಿಸಿದ್ದು ಗಾಜಾ ಮೇಲಿನ ದಾಳಿ ವೇಳೆ ಇಸ್ರೇಲ್‌ ಯುದ್ಧಾಪರಾಧ ನಡೆಸಿದ್ದು ಆ ದೇಶಕ್ಕೆ ಭಾರತೀಯ ಕಂಪನಿಗಳು ಯಾವುದೇ ಶಸ್ತ್ರಾಸ್ತ್ರಗಳ ಪೂರೈಸದಂತೆ ಅನುಮತಿ ರದ್ದು ಪಡಿಸಬೇಕು ಮತ್ತು ಹೊಸದಾಗಿ ಯಾವುದೇ ಅನುಮತಿ ನೀಡಬಾರದು ಎಂದು ಕೇಂದ್ರ ಸರ್ಕಾರಕ್ಕೆ ನಿರ್ದೇಶನ ನೀಡಬೇಕು ಎಂದು ಕೋರಿ ಪಿಐಎಲ್‌ ಸಲ್ಲಿಸಲಾಗಿದೆ.

ಅ.7ರ ಹಮಾಸ್‌ ದಾಳಿ ಬಳಿಕ ಇಸ್ರೇಲ್‌ ಸೇನೆಯ ದಾಳಿಗೆ ಗಾಜಾದಲ್ಲಿ ಸಾವಿರಾರು ಮಂದಿ ಮೃತಪಟ್ಟಿದ್ದಾರೆ.