Sulphur; ಹಿಂದೂ ಮಹಾಸಾಗರದಲ್ಲಿ ಗಂಧಕದ ಬೃಹತ್‌ ಬೆಟ್ಟ ಪತ್ತೆ!

ಹೊಸದಿಲ್ಲಿ: ಸಾಗರ ತಳದ ಬಗ್ಗೆ ಅಧ್ಯಯನ ಕೈಗೊಂಡಿದ್ದ ರಾಷ್ಟ್ರೀಯ ಸಮುದ್ರ ತ್ರಂತ್ರಜ್ಞಾನ ಸಂಸ್ಥೆಯ ವಿಜ್ಞಾನಿಗಳು ಹಿಂದೂ ಮಹಾಸಾಗರ ತಳದಲ್ಲಿ ಬೃಹತ್‌ ಗಂಧಕದ ಬೆಟ್ಟವನ್ನು ಪತ್ತೆ ಮಾಡಿ­ದ್ದಾರೆ. ಯಾವುದೇ ಖನಿಜ ನಿಕ್ಷೇಪಗಳ ಮೇಲೆ ಇಂತಹ ಗಂಧಕದ ಸಲ್ಫೆàಟ್‌ ಬೆಟ್ಟಗಳು ನಿರ್ಮಾಣಗೊಳ್ಳುತ್ತವೆ. ಹೀಗಾಗಿ ಇದರಡಿಯಲ್ಲಿ ಚಿನ್ನ, ಬೆಳ್ಳಿಯಂತಹ ಖನಿಜ ಇರಬಹುದು ಎಂದು ವಿಜ್ಞಾನಿಗಳು ಹೇಳಿದ್ದಾರೆ.

ದಕ್ಷಿಣ ಹಿಂದೂ ಮಹಾಸಾಗರದಲ್ಲಿ ಈ ಸಲ್ಫೇಟ್‌ ಬೆಟ್ಟವನ್ನು ಪತ್ತೆ ಮಾಡಿದ್ದು, ಇದು ಸಮುದ್ರದ ಮೇಲ್ಮೆ„ನಿಂದ 4.5 ಕಿ.ಮೀ. ಆಳದಲ್ಲಿದೆ ಎಂದು ಅವರು ಹೇಳಿದ್ದಾರೆ. ಸಾಗರ ತಳದ ಅಧ್ಯಯ­ನ­ಕ್ಕಾಗಿಯೇ ಈ ತಂಡ ಹಲವು ದಿನಗಳಿಂದ ಹಿಂದೂ ಮಹಾಸಾಗರದ ಮೇಲೆ ಬೀಡು ಬಿಟ್ಟಿತ್ತು. ಸಮುದ್ರ ತಂತ್ರಜ್ಞಾನ ಸಂಸ್ಥೆಯೇ ತಯಾರಿಸಿರುವ ಸ್ವಯಂಚಾ­ಲಿತ ವಾಹನ ಸಮುದ್ರಾದಳದಲ್ಲಿರುವ ಶಾಖದ ಅಲೆಗಳನ್ನು ಆಧರಿಸಿ ಈ ಬೆಟ್ಟಗಳನ್ನು ಪತ್ತೆ ಮಾಡಿದೆ.
ಆರ್ಥಿಕತೆಗೆ ಸಹಕಾರಿ: ಸಮುದ್ರದಾಳದಲ್ಲಿನ ಸಂಶೋಧನೆಗಳು ಒಂದು ದೇಶದ ಆರ್ಥಿಕತೆಯನ್ನು ಅಭಿವೃದ್ಧಿಗೊ­ಳಿ­ಸುತ್ತದೆ. ಹೆಚ್ಚಿನ ಮಾಲಿನ್ಯವಿಲ್ಲದೇ ಇಲ್ಲಿ ಗಣಿಗಾರಿಕೆಯನ್ನು ನಡೆಸಬಹುದು ಎಂದು ವಿಜ್ಞಾನಿಗಳು ಹೇಳಿದ್ದಾರೆ.