Sullia: ನಿಂತಿದ್ದ ವ್ಯಾನ್‌ಗೆ ಹಾಲಿನ ವ್ಯಾನ್‌ ಢಿಕ್ಕಿ

ಸುಳ್ಯ: ನಿಂತಿದ್ದ ವ್ಯಾನ್‌ಗೆ ಹಾಲಿನ ವ್ಯಾನ್‌ ಢಿಕ್ಕಿ ಹೊಡೆದು ವಾಹನಗಳು ಜಖಂಗೊಂಡ ಘಟನೆ ಸುಳ್ಯದ ಹಳೆಗೇಟಿನ ಜಯನಗರ ರಸ್ತೆಯಲ್ಲಿ ಗುರುವಾರ ಸಂಭವಿಸಿದೆ.

ಸುಳ್ಯದ ಹಳೆಗೇಟು ಜಯನಗರ ರಸ್ತೆಯಲ್ಲಿ ವ್ಯಾನ್‌ ಎಲೆಕ್ಟ್ರಿಕಲ್‌ ರಿಪೇರಿ ಮಾಡಿಸಿ ನಿಂತಿತ್ತು. ಈ ವೇಳೆ ಜಯನಗರ ಭಾಗದಿಂದ ಬರುತ್ತಿದ್ದ ಹಾಲು ವಿತರಣೆ ಮಾಡುವ ವಾಹನ ವ್ಯಾನ್‌ಗೆ ಡಿಕ್ಕಿ ಹೊಡೆದಿದೆ. ಪರಿಣಾಮ ವ್ಯಾನ್‌ ಮುಂದಕ್ಕೆ ಚಲಿಸಿ ಮರಕ್ಕೆ ಗುದ್ದಿ ಜಖಂಗೊಂಡಿದೆ. ಘಟನೆಯಲ್ಲಿ ಎರಡೂ ವಾಹನಗಳಿಗೆ ಹಾನಿಯಾಗಿದೆ.