ಸುಳ್ಯ- ಚಳ್ಳಕೆರೆ ನೂತನ ಬಸ್‌ ಸಂಚಾರಕ್ಕೆ ಚಾಲನೆ 

ಸುಳ್ಯ : ಸುಳ್ಯದಿಂದ – ಚಿತ್ರದುರ್ಗದ ಚಳ್ಳಕೆರೆಗೆ ರಾಜ್ಯ ಸಾರಿಗೆ ಸಂಸ್ಥೆಯ ನೂತನ ಬಸ್‌ ಸಂಚಾರಕ್ಕೆ ಶಾಸಕ ಅಂಗಾರ ಅವರು ಹಸಿರು ನಿಶಾನೆ ತೋರುವ ಮೂಲಕ ಚಾಲನೆ ನೀಡಿದರು. ಈ ಬಸ್‌ ಪ್ರತೀ ದಿನ ಸುಳ್ಯದಿಂದ ಬೆಳಗ್ಗೆ 6.45ಕ್ಕೆ ಹೊರಡಲಿದ್ದು ರಾತ್ರಿ ಚಳ್ಳಕೆರೆಗೆ ತಲುಪಲಿದೆ. ಬೆಳಗ್ಗೆ 8.45ಕ್ಕೆ ಚಳ್ಳಕೆರೆಯಿಂದ ಹೊರಟು ಸಂಜೆ 5.30ಕ್ಕೆ ಸುಳ್ಯ ತಲುಪಲಿದೆ.

ಈ ಸಂದರ್ಭ ತಾ.ಪಂ. ಅಧಕ್ಷ ಚನಿಯ ಕಲ್ತಡ್ಕ, ನ.ಪಂ. ಅಧ್ಯಕ್ಷೆ ಶೀಲಾವತಿ ಮಾಧವ, ನ.ಪಂ. ಸದಸ್ಯ ಎನ್‌. ಎ. ರಾಮಚಂದ್ರ, ಗಿರೀಶ್‌ಕಲ್ಲಗದ್ದೆ, ಗೋಪಾಲ್‌ ನಡುಬೈಲು, ಉಮೇಶ್‌ ವಾಗ್ಲೆ, ಎಪಿಎಂಸಿ ಸದಸ್ಯ ಜಯಪ್ರಕಾಶ್‌ ಕುಂಚಡ್ಕ, ಡಿಪೋ ಮ್ಯಾನೇಜರ್‌ ವಸಂತ ನಾಯ್ಕ, ಸಂಚಾರಿ ನಿಯಂತ್ರಕ ಕರುಣಾಕರ, ಪದ್ಮನಾಥನ್‌ ಮೊದಲಾದವರು ಉಪಸ್ಥಿತರಿದ್ದರು.