ಬಾಕಿ ಪಾವತಿಸದಿದ್ದರೆ ಸಕ್ಕರೆ ಮುಟ್ಟುಗೋಲು

ಬೆಳಗಾವಿ: ರಾಜ್ಯದಲ್ಲಿ 2018-19 ನೇ ಸಾಲಿನಲ್ಲಿ ಕಬ್ಬು ನುರಿಸಿದ ಹಣವನ್ನು ಪಾವತಿ ಮಾಡದೆ ಬಾಕಿ ಉಳಿಸಿಕೊಂಡಿರುವ ಕಾರ್ಖಾನೆಗಳು ಈ ಹಣವನ್ನು ಜೂ.30ರೊಳಗೆ ಪಾವತಿ ಮಾಡಬೇಕು. ಇಲ್ಲದಿದ್ದಲ್ಲಿ ನಿರ್ದಾಕ್ಷಿಣ್ಯವಾಗಿ ಕಾರ್ಖಾನೆಯನ್ನು ಮುಟ್ಟುಗೋಲು ಹಾಕುವುದಾಗಿ ಸಕ್ಕರೆ ಸಚಿವ ಆರ್‌.ಬಿ. ತಿಮ್ಮಾಪುರ ಎಚ್ಚರಿಕೆ ನೀಡಿದರು.

ಸುದ್ದಿಗಾರರೊಂದಿಗೆ ಮಾತನಾಡಿ, ರಾಜ್ಯದಲ್ಲಿನ ಸಕ್ಕರೆ ಕಾರ್ಖಾನೆಗಳಿಂದ ಪ್ರತಿಶತ 91.68ರಷ್ಟು ಕಬ್ಬಿನ ಬಿಲ್‌ನ್ನು ರೈತರ ಖಾತೆಗೆ ಪಾವತಿಸಲಾಗಿದೆ. ಉಳಿದ 1,063 ಕೋಟಿ ಬಿಲ್‌ ಹಣವನ್ನು 30ರೊಳಗೆ ಕಾರ್ಖಾನೆಗಳು ಪಾವತಿಸುವ ವಿಶ್ವಾಸ ಇದೆ. ಈ ಗಡುವಿನ ನಂತರವೂ ಬಾಕಿ ಉಳಿಸಿಕೊಂಡರೆ ಆಗ ಮುಲಾಜಿಲ್ಲದೆ ಸಕ್ಕರೆ ಜಪ್ತಿ ಮಾಡಲಾಗುವುದು ಎಂದರು.