ಉಪನೋಂದಾವಣೆ ನೌಕರರ ವರ್ಗಾವಣೆ: ಪ್ರತಿಭಟನೆ

ಬ್ರಹ್ಮಾವರ: ಉಪ ನೊಂದಾವಣೆ ಕಚೇರಿಗಳಲ್ಲಿರುವ ಗುತ್ತಿಗೆ ಆದಾರಿತ ಸಿಬಂದಿಗಳ ವರ್ಗಾ ವಣೆಯನ್ನು ಖಂಡಿಸಿ ಗುರುವಾರ ಬ್ರಹ್ಮಾವರ ಉಪ ನೊಂದಾವಣಾಧಿಕಾರಿ ಕಚೇರಿಯಲ್ಲಿ ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸಿದರು.

ಉಪನೊಂದಾವಣಾಧಿಕಾರಿ ಕಚೇರಿ ಯಲ್ಲಿರುವ ತಾತ್ಕಾಲಿಕ ಸಿಬಂದಿಗಳನ್ನು ವರ್ಗಾಯಿಸಿ ಕಂದಾಯ ಸಚಿವರು ಗುರುವಾರ ಬೆಳಗ್ಗೆ ದಿಢೀರ್‌ ಆದೇಶ ಹೊರಡಿಸಿದ್ದರು. ಅದರಂತೆ ಉಡುಪಿ ಜಿಲ್ಲೆಯ ಬ್ರಹ್ಮಾವರ, ಕಾರ್ಕಳ, ಶಂಕರನಾರಾಯಣ, ಬೈಂದೂರು ಮತ್ತಿತರರ ಉಪನೊಂದಾವಣಾಧಿಕಾರಿ ಕಚೇರಿಗಳ ತಾತ್ಕಾಲಿಕ ಸಿಬಂದಿಗಳನ್ನು ಪರಸ್ಪರ ವರ್ಗಾವಣೆ ಮಾಡಲಾಯಿತು.

ಉಡುಪಿ ಜಿ.ಪಂ. ಮಾಜಿ ಅಧ್ಯಕ್ಷ ಬಿ.ಭುಜಂಗ ಶೆಟ್ಟಿ ಅವರು ಮಾತನಾಡಿ, ಆಯಾ ಉಪನೊಂದಾ ವಣಾಧಿಕಾರಿ ಕಚೇರಿಯಲ್ಲಿ ಕಾರ್ಯನಿರ್ವಹಿಸು ತ್ತಿರುವವರು ಪರಿಸರದವರಾಗಿದ್ದಾರೆ. ಕಡಿಮೆ ವೇತನದೊಂದಿಗೆ ಕರ್ತವ್ಯ ನಿರ್ವಹಿಸುತ್ತಿರುವ ಅವರನ್ನು ದೂರ ದೂರದ ಕಡೆಗೆ ವರ್ಗಾಯಿಸಿರುವುದು ತೀರಾ ಅನ್ಯಾಯ. ಆದೇಶವನ್ನು ಶೀಘ್ರ ಹಿಂಪಡೆಯಬೇಕೆಂದು ಆಗ್ರಹಿಸಿದರು.

ತಾ.ಪಂ. ಸದಸ್ಯ ಸುಧೀರ್‌ ಕುಮಾರ್‌ ಶೆಟ್ಟಿ, ಪ್ರಮುಖರಾದ ಜ್ಞಾನವಸಂತ ಶೆಟ್ಟಿ, ಆಲ್ವಿನ್‌ ಅಂದ್ರಾದೆ, ರವಿಪ್ರಕಾಶ್‌ ಗೋನ್ಸಾಲ್ವಿಸ್‌, ಮನೋಹರ ಶೆಟ್ಟಿ, ಲಕ್ಷ್ಮಣ ಶೆಟ್ಟಿ, ಸದಾನಂದ ಪೂಜಾರಿ ಮತ್ತಿತರರು ಉಪಸ್ಥಿತರಿದ್ದರು.