Theft: 1 ಲಕ್ಷ ರೂಪಾಯಿ ಮೌಲ್ಯದ ತುಂಬಿಸಿಟ್ಟ ಅಡಿಕೆ ಕಳವು

ಬಜಪೆ: ಕೊಂಪದವು ನೆಲ್ಲಿಗುಡ್ಡೆ ನಿವಾಸಿ ಗೋವಿಂದ ಗೌಡ ಅವರ ಮನೆಯೊಳಗೆ 4 ಗೋಣಿ ಚೀಲದಲ್ಲಿ ಸುಲಿದಿಟ್ಟ ಸುಮಾರು 1 ಲಕ್ಷ ರೂ. ಮೌಲ್ಯದ 200 ಕೆ.ಜಿ. ಅಡಿಕೆಯನ್ನು ಸೆ. 8ರ ರಾತ್ರಿ ಕಳವು ಮಾಡಿರುವುದಾಗಿ ಬಜಪೆ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಸೆ. 5ರಂದು ಅಡಿಕೆ ಸುಲಿದು ತಲಾ 50 ಕೆಜಿಯಂತೆ 4 ಗೋಣಿ ಚೀಲಗಳಲ್ಲಿ ತುಂಬಿಸಿ ಮಾರಾಟ ಮಾಡುವ ಉದ್ದೇಶದಿಂದ ಕೊಠಡಿಯೊಳಗೆ ಇಟ್ಟಿದ್ದರು. ಜತೆಗೆ ಸುಲಿಯದ 5 ಗೋಣಿ ಚೀಲ ಅಡಿಕೆಯೂ ಇತ್ತು. ಸೆ. 9ರಂದು ಬೆಳಗ್ಗೆ ಎದ್ದು ನೋಡಿದಾಗ ಕಳವಾಗಿರುವುದು ಕಂಡು ಬಂದಿತು ಎಂದು ದೂರಿನಲ್ಲಿ ತಿಳಿಸಿದ್ದಾರೆ.

ಅನುಮಾನಾಸ್ಪದವಾಗಿ ವ್ಯಕ್ತಿಗಳು ಅಡಿಕೆಗಳನ್ನು ಮಾರಾಟ ಮಾಡಲು ಬಂದರೆ ಮಾಹಿತಿ ನೀಡುವಂತೆ ಬಜಪೆ ಪೊಲೀಸ್‌ ಪೊಲೀಸರು ತಿಳಿಸಿದ್ದಾರೆ.