ವಾಯು ಮಾಲಿನ್ಯಕ್ಕೆ ನಗರ ಪ್ರದೇಶ ಮನೆಗಳೇ ಕಾರಣ! ಬೆಂಗಳೂರಿನ ಐಐಎಸ್‌ಸಿ ಸೇರಿ 2 ಅಧ್ಯಯನ ವರದಿ 

ಪುಣೆ: ಭಾರತದಲ್ಲಿ ವಾಯು ಗುಣಮಟ್ಟ ಕುಸಿಯುವಲ್ಲಿ ನಗರ ಪ್ರದೇಶಗಳ ಮನೆಗಳೇ ಪ್ರಮುಖ ಕಾರಣ! ಹೌದು, ಒಡಿಶಾದ ಬರ್ಹಾಂಪುರ ವಿವಿ, ಬೆಂಗಳೂರಿನ ಐಐಎಸ್‌ಸಿ, ಪುಣೆಯ ಐಐಟಿಎಂ ಮತ್ತು ಐಐಟಿ ರೂರ್ಕಿ ಮಾಡಿರುವ ಪ್ರತ್ಯೇಕ 2 ಅಧ್ಯಯನ ವರದಿಗಳೇ ಈ ಅಂಶವನ್ನು ಬಹಿರಂಗಪಡಿಸಿವೆ.

ಇಂಗಾಲ ಹೊರಸೂಸುವಿಕೆಗೆ ಅತೀ ಹೆಚ್ಚು ಕೊಡುಗೆ ನೀಡುತ್ತಿರುವುದು ವಸತಿ ಮತ್ತು ಸಾರಿಗೆ ವಲಯ ಎಂದು ಈ ವರದಿಗಳು ಹೇಳಿವೆ. ದಕ್ಷಿಣ ಮತ್ತು ಪಶ್ಚಿಮ ಭಾರತದಲ್ಲಿ ವಸತಿ ಕ್ಷೇತ್ರವು ಮಾಲಿನ್ಯಕ್ಕೆ ಅತೀ ಹೆಚ್ಚು ಕೊಡುಗೆಯನ್ನು ನೀಡುತ್ತಿದೆ. ಅಂದರೆ 13 ನಗರಗಳಲ್ಲಿ ಮನೆಗಳಿಂದಲೇ ಅತೀ ಹೆಚ್ಚು ಮಾಲಿನ್ಯ ಉಂಟಾಗುತ್ತಿದ್ದರೆ, 8 ನಗರಗಳಲ್ಲಿ ಕೈಗಾರಿಕೆಗಳಿಂದ ಮತ್ತು 4 ನಗರಗಳಲ್ಲಿ ಇಂಧನ ಕ್ಷೇತ್ರದಿಂದ ಮಾಲಿನ್ಯ ಹೆಚ್ಚುತ್ತಿದೆ ಎಂದು ವರದಿ ಹೇಳಿದೆ.

ಇದೇ ವೇಳೆ, ನೈಟ್ರೋಜನ್‌ ಆಕ್ಸೆಡ್‌ ಹೊರಸೂಸುವಿಕೆ ಪ್ರಮಾಣ ಗಮನಿಸಿದರೆ, ಶೇ.40ರಷ್ಟನ್ನು ದೇಶದ ಟಾಪ್‌ 5 ರಾಜ್ಯಗಳೇ ಹೊರಸೂಸುತ್ತವೆ. ಉತ್ತರಪ್ರದೇಶವು ಅತೀ ಹೆಚ್ಚು(ಶೇ.10.5) ನೈಟ್ರೋಜನ್‌ ಆಕ್ಸೆ„ಡ್‌ ಹೊರಸೂಸಿದರೆ, ಅನಂತರದ ಸ್ಥಾನಗಳಲ್ಲಿ ಮಹಾರಾಷ್ಟ್ರ(ಶೇ.9.7) ಮತ್ತು ತಮಿಳುನಾಡು (ಶೇ.7.2) ಇವೆ ಎಂದು ವರದಿ ಹೇಳಿವೆ.