ಹೊಸದಿಲ್ಲಿ: ಭಾರತದ ಮಹಿಳಾ ಬಾಕ್ಸರ್‌ಗಳಾದ ನೀತು ಮತ್ತು ಅನಾಮಿಕಾ “ಸ್ಟ್ರಾಂಜಾ ಮೆಮೋರಿಯಲ್‌ ಬಾಕ್ಸಿಂಗ್‌” ಕೂಟದ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದ್ದಾರೆ.
ಬಲ್ಗೇರಿಯಾದ ಸೋಫಿಯಾದಲ್ಲಿ ನಡೆಯುತ್ತಿರುವ ಟೂರ್ನಿಯ 48 ಕೆಜಿ ವಿಭಾಗದ ಮೊದಲ ಸುತ್ತಿನ ಸೆಣಸಾಟದಲ್ಲಿ ನೀತು 5-0 ಅಂತರದಿಂದ ರಶ್ಯದ ಚುಮಗಾಲಕೋವಾ ಐಲಿಯಾ ಅವರನ್ನು ಮಣಿಸಿದರೆ, ಅನಾಮಿಕಾ (50 ಕೆಜಿ) ಅವರು 4-1ರಿಂದ ಸ್ಥಳೀಯ ಬಾಕ್ಸರ್‌ ಚುಕನೋವಾ ಜ್ಲಾಟಿಸ್ಲಾವಾ ಅವರನ್ನು ಪರಭವಗೊಳಿಸಿದರು.
ಕ್ವಾರ್ಟರ್‌ ಫೈನಲ್‌ನಲ್ಲಿ ನೀತು ಮತ್ತು ಅನಾಮಿಕಾ ಕ್ರಮವಾಗಿ ಇಟಲಿಯ ರಾಬರ್ಟಾ ಬೊನಾಟ್ಟಿ ಮತ್ತು ಆಲ್ಜೀರಿಯಾದ ರೌಮಾಸ್ಯಾ ಬೌಲೆಮ್‌ ಅವರನ್ನು ಎದುರಿಸಲಿದ್ದಾರೆ.
54 ಕೆಜಿ ವಿಭಾಗದಲ್ಲಿ ಕಣಕ್ಕಿಳಿದಿದ್ದ ಶಿಕ್ಷಾ ಹಾಗೂ ಆಕಾಶ್‌ (ಪುರುಷರ 67 ಕೆಜಿ ವಿಭಾಗ) ಮೊದಲ ಸುತ್ತಿನ ಬೌಟ್‌ಗಳಲ್ಲಿ ನಿರಾಸೆ ಅನುಭವಿಸಿದರು.
