ಅಂಬೇಡ್ಕರ್ ಪ್ರತಿಮೆ ಎತ್ತರ ಹೆಚ್ಚಿಸಲು ರಾಜ್ಯ ಯೋಜನೆ

ಮುಂಬಯಿ, ಜು. 12: ದಾದರ್‌ನ ಇಂದೂ ಮಿಲ್ಸ್‌ನಲ್ಲಿರುವ ಸ್ಮಾರಕದಲ್ಲಿ ಡಾ| ಬಾಬಾಸಾಹೇಬ್‌ ಅಂಬೇಡ್ಕರ್‌ ಅವರ ಪ್ರತಿಮೆಯ ಎತ್ತರವನ್ನು ಹೆಚ್ಚಿಸಲು ಮಹಾರಾಷ್ಟ್ರ ಸರಕಾರ ಅನುಮತಿ ನೀಡಿದ್ದು. ಇದಕ್ಕಾಗಿ 326 ಕೋ. ರೂ. ಗಳ ಹೆಚ್ಚುವರಿ ಖರ್ಚು ಮಾಡಲು ಯೋಜಿಸಿದೆ.

ಮುಂಬಯಿ ಮೆಟ್ರೋಪಾಲಿಟನ್‌ ರೀಜನ್‌ ಡೆವಲಪ್‌ಮೆಂಟ್‌ ಅಥಾರಿಟಿ (ಎಂಎಂಆರ್‌ಡಿಎ) ಜಾರಿಗೆ ತರುತ್ತಿರುವ ಈ ಯೋಜನೆಯ ಒಟ್ಟು ವೆಚ್ಚವು ಈಗ 1,089.95 ಕೋ. ರೂ. ಗಳಿಗೆ ಏರಿಕೆಯಾಗಿದೆ. ಇದು ಹಿಂದಿನ ವೆಚ್ಚಕ್ಕಿಂತ 763.05 ಕೋ. ರೂ. ಗಳಿಂತ ಏರಿಕೆಯಾಗಿದೆ. 2020ರ ಜನವರಿಯಲ್ಲಿ ಮಹಾರಾಷ್ಟ್ರ ಕ್ಯಾಬಿನೆಟ್‌ ಪ್ರತಿಮೆಯ ಎತ್ತರವನ್ನು 250 ಅಡಿಗಳಿಂದ 350 ಅಡಿಗಳಿಗೆ ಏರಿಸಲು 100 ಅಡಿ ಪೀಠವನ್ನು ನಿರ್ಮಿಸಲು ಪ್ರಸ್ತಾವನೆ ಸಲ್ಲಿಸಿತ್ತು. ಕಂಚಿನಲ್ಲಿ ಮಾಡಬೇಕಾದ ರಚನೆಯ ಒಟ್ಟು ಎತ್ತರವು ಈಗ 450 ಅಡಿಗಳಾಗಿದ್ದು, ಅನುಷ್ಠಾನ ವಿಳಂಬ ಮತ್ತು ಯೋಜನೆಯಲ್ಲಿನ ಬದಲಾವಣೆಗಳಿಂದಾಗಿ ಯೋಜನೆಯ ವೆಚ್ಚವೂ ಹೆಚ್ಚಾಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಪ್ರತಿಮೆಯ ಅಂದಾಜು ವೆಚ್ಚ 152.38 ಕೋ. ರೂ. ಗಳಾಗಿದ್ದು, ಅದು ಈಗ 409.80 ಕೋ. ರೂ. ಗಳಿಗೆ ಏರಿದೆ. ಪೀಠದ ವೆಚ್ಚವೂ 222 ಕೋ. ರೂ. ಗಳಿಂದ 236 ಕೋ. ರೂ. ಗಳಿಗೆ ಏರಿಕೆಯನ್ನು ಕಂಡಿದೆ. ಇನ್ನೂ 300 ಕೋ. ರೂ. ಗಳ ವೆಚ್ಚವನ್ನು ಇತರ ಯೋಜನೆಗಳಿಗಾಗಿ ಖರ್ಚು ಮಾಡುವ ನಿರೀಕ್ಷೆಯಿದೆ. ಇದರಲ್ಲಿ ಗ್ರಂಥಾಲಯ, ರಾಯಗಢದ ಐತಿಹಾಸಿಕ ಚಾವ್ದಾರ್‌ ಕೊಳದ ಪ್ರತಿಕೃತಿ, ಹಲವಾರು ವೀಕ್ಷಣಾ ಸ್ಥಳಗಳು ಮತ್ತು ವಾಹನ ನಿಲುಗಡೆ ಸ್ಥಳವೂ ಸೇರಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

2022ರ ಎಪ್ರಿಲ್‌ಗೆ ಪೂರ್ಣಗೊಳ್ಳುವ ನಿರೀಕ್ಷೆ : ಎಂಎಂಆರ್‌ಡಿಎಯ ಹಿರಿಯ ಅಧಿಕಾರಿಯೊಬ್ಬರು ಮಾತನಾಡಿ, ವಿವರವಾದ ವಿನ್ಯಾಸ ಸಿದ್ಧಪಡಿಸಿದ ಬಳಿಕ ಅಂತಿಮ ವೆಚ್ಚ ಗೊತ್ತಾಗಲಿದೆ ಎಂದರು. ಪ್ರಾಧಿಕಾರವು ಕರಾವಳಿ ನಿಯಂತ್ರಣ ವಲಯ, ಎತ್ತರ ತೆರವು, ಅಗ್ನಿಶಾಮಕದಳ ಮತ್ತು ಯೋಜನೆಗೆ ಪರಿಸರ ಅನುಮೋದನೆ ಸೇರಿದಂತೆ ವಿವಿಧ ಅನುಮತಿಗಳನ್ನು ಪಡೆಯುವ ಪ್ರಕ್ರಿಯೆಯಲ್ಲಿದೆ. ಈ ಯೋಜನೆಗೆ 2015ರ ಅಕ್ಟೋಬರ್‌ನಲ್ಲಿ ಪ್ರಧಾನಿಯವರು ಮಹತ್ತರವಾದ ಕೆಲಸವನ್ನು ಮಾಡಿದರು. ಈ ಯೋಜನೆ ಈಗ ಏಪ್ರಿಲ್‌ 2022 ರೊಳಗೆ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.