2022ರ ಏಷ್ಯಾ ಕಪ್‌ ಕ್ರಿಕೆಟ್‌ನಿಂದ ಶಾಹೀನ್‌ ಶಾ ಅಫ್ರಿದಿ ಔಟ್‌

ಲಾಹೋರ್‌: ಏಷ್ಯಾ ಕಪ್‌ ಕ್ರಿಕೆಟ್‌ ಪಂದ್ಯಾವಳಿಯ ಆರಂಭಕ್ಕೂ ಮೊದಲೇ ಪಾಕಿಸ್ಥಾನಕ್ಕೆ ಬಲವಾದ ಆಘಾತ ಎದುರಾಗಿದೆ.

ಪಾಕಿಸ್ತಾನ ತಂಡದ ಪ್ರಧಾನ ವೇಗಿ ಶಾಹೀನ್‌ ಶಾ ಅಫ್ರಿದಿ ಮಂಡಿನೋವಿನಿಂದಾಗಿ ಮುಂಬರುವ 2022ರ ಏಷ್ಯಾ ಕಪ್‌ ಟೂರ್ನಿಯಿಂದ ಹೊರಬಿದ್ದಿದ್ದಾರೆ.

ಆ ಮೂಲಕ ಆಗಸ್ಟ್‌ 28 ರಂದು ಭಾರತದ ವಿರುದ್ಧದ ಪಂದ್ಯಕ್ಕೆ ಸಜ್ಜಾಗುತ್ತಿದ್ದ ಪಾಕಿಸ್ತಾನ ತಂಡಕ್ಕೆ ಭಾರಿ ಹಿನ್ನಡೆಯಾಗಿದೆ.

ಆಗಸ್ಟ್‌ 27 ರಿಂದ ಯುಎಇ ಆತಿಥ್ಯದಲ್ಲಿ 2022ರ ಏಷ್ಯಾ ಕಪ್‌ ಟೂರ್ನಿ ನಡೆಯಲಿದೆ.