ಎಸ್ಸೆಸ್ಸೆಲ್ಸಿ ಪರೀಕ್ಷೆ; 490 ವಿದ್ಯಾರ್ಥಿಗಳು ಗೈರು

ಹಾವೇರಿ: ಜಿಲ್ಲೆಯಲ್ಲಿ ಮೊದಲ ದಿನದ ಎಸ್ಸೆಸ್ಸೆಲ್ಸಿ ಪ್ರಥಮ ಭಾಷಾ ವಾರ್ಷಿಕ ಪರೀಕ್ಷೆ ಸುಗಮವಾಗಿ ನಡೆದಿದೆ. ರೆಜ್ಯುಲರ್‌ ಹಾಗೂ ಖಾಸಗಿಯಾಗಿ ನೋಂದಾಯಿತ ವಿದ್ಯಾರ್ಥಿಗಳು ಸೇರಿದಂತೆ 24,632 ವಿದ್ಯಾರ್ಥಿಗಳು ನೋಂದಾಯಿಸಿಕೊಂಡಿದ್ದು, ಈ ಪೈಕಿ 24,142 ಜನ ಪ್ರಥಮ ಭಾಷಾ ಪತ್ರಿಕೆ ಪರೀಕ್ಷೆಗೆ ಹಾಜರಾಗಿದ್ದು, 490 ಜನ ಗೈರಾಗಿದ್ದಾರೆ.

64 ಪುನರಾವರ್ತಿತ ಹಾಗೂ 23,020 ಮೊದಲ ಪ್ರಯತ್ನದ ವಿದ್ಯಾರ್ಥಿಗಳು ಸೇರಿದಂತೆ 23,084 ವಿದ್ಯಾರ್ಥಿಗಳು ನೋಂದಾಯಿಸಿಕೊಂಡಿದ್ದು, ಈ ಪೈಕಿ ಮೊದಲ ಪ್ರಯತ್ನದ 22,764 ವಿದ್ಯಾರ್ಥಿಗಳು ಹಾಗೂ ಪುನರಾವರ್ತಿತ 47 ವಿದ್ಯಾರ್ಥಿಗಳು ಸೇರಿದಂತೆ 22,811 ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗಿದ್ದಾರೆ. ಮೊದಲ ಪ್ರಯತ್ನದ 256 ಹಾಗೂ ಪುನರಾವರ್ತಿತ 17 ವಿದ್ಯಾರ್ಥಿಗಳು ಸೇರಿದಂತೆ 273 ವಿದ್ಯಾರ್ಥಿಗಳು ಗೈರು ಹಾಜರಾಗಿದ್ದಾರೆ.

ಖಾಸಗಿ ಪರೀಕ್ಷಾರ್ಥಿಗಳು: ಬಾಹ್ಯವಾಗಿ ನೇರವಾಗಿ ಎಸ್ಸೆಸ್ಸೆಲ್ಸಿ ಪರೀಕ್ಷೆ ಕಟ್ಟಿದ ಮೊದಲ ಪ್ರಯತ್ನದ 1517 ವಿದ್ಯಾರ್ಥಿಗಳು ಹಾಗೂ ಪುನರಾವರ್ತಿತ 31 ವಿದ್ಯಾರ್ಥಿಗಳು ಸೇರಿದಂತೆ 1548 ವಿದ್ಯಾರ್ಥಿಗಳ ಪೈಕಿ 1314 ಮೊದಲ ಪ್ರಯತ್ನದ ಬಾಹ್ಯ ವಿದ್ಯಾರ್ಥಿಗಳು ಹಾಗೂ 17 ಪುನರಾವರ್ತಿತ ಬಾಹ್ಯ ವಿದ್ಯಾರ್ಥಿಗಳು ಸೇರಿದಂತೆ 1331 ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗಿದ್ದು, 213 ಮೊದಲ ಪ್ರಯತ್ನದ ಹಾಗೂ 4 ಪುನರಾವರ್ತಿತ ಬಾಹ್ಯ ವಿದ್ಯಾರ್ಥಿಗಳು ಸೇರಿದಂತೆ 217 ವಿದ್ಯಾರ್ಥಿಗಳು ಗೈರಾಗಿದ್ದಾರೆ ಎಂದು ಸಾರ್ವಜನಿಕ ಶಿಕ್ಷಣ ಇಲಾಖೆ ತಿಳಿಸಿದೆ.