ಕಡಿದಲ್ಲಿಂದಲೇ ಮೂಡಿದ ಬಾಳೆಗೊನೆ!

ಸುಬ್ರಹ್ಮಣ್ಯ: ಹರಿಹರ ಪಳ್ಳತ್ತಡ್ಕ ಗ್ರಾಮದ ಮಲ್ಲಾರ ನಿವಾಸಿ ಲವ ಮಲ್ಲಾರ ಎಂಬವರ ತೋಟದಲ್ಲಿ ಕಡಿದ ಬಾಳೆ ಗಿಡ ಮತ್ತೆ ಬಾಳೆ ಗೊನೆ ಹಾಕಿರುವುದು ಮಂಗಳವಾರ ಗೋಚರಿಸಿದೆ. ತಮ್ಮ ಕೃಷಿ ತೋಟದಲ್ಲಿ ಬಾಳೆಗಿಡಗಳಿಗೆ ರೋಗ ಕಂಡು ಬಂದ ಹಿನ್ನಲೆಯಲ್ಲಿ ಇತ್ತೀಚೆಗೆ ಬಾಳೆಗಿಡಗಳನ್ನು ಕತ್ತಸಿದ್ದರು. ಮಂಗಳವಾರ ಬೆಳಗ್ಗೆ  ತೋಟಕ್ಕೆ ತೆರಳಿದ್ದ ವೇಳೆ ಕೆಲ ದಿನಗಳ ಹಿಂದೆ ಕತ್ತರಿಸಿದ ಬಾಳೆಗಿಡದ ದಿಂಡಿನಿಂದ ಬಾಳೆ ಮತ್ತೆ ಹೂಬಿಟ್ಟು ಗೊನೆ ಹಾಕಿದ್ದು, ಸಣ್ಣ ಗಾತ್ರದ ಗೊನೆ ಗೋಚರಿಸಿದೆ. ಗೊನೆಯಲ್ಲಿ ಏಳೆಂಟು ಬಾಳೆ ಕಾಯಿಗಳಿವೆ.