ಹೊಸ ಇತಿಹಾಸ ಬರೆದ ರಿಚರ್ಡ್‌ ಬ್ರಾನ್ಸನ್‌ : ಗಗನಯಾನವೆಂಬ ಹೊಸ ಖಯಾಲಿಯ ಅರನ್‌ಗೇಟ್ರಮ್

ಹೊಸದಿಲ್ಲಿ: ಜಗತ್ತಿನ ದೈತ್ಯ ಉದ್ಯಮಿಗಳಲ್ಲೊಬ್ಬರಾದ ರಿಚರ್ಡ್‌ ಬ್ರಾನ್ಸನ್‌, ಬಾಹ್ಯಾಕಾಶ ಇತಿಹಾಸದಲ್ಲಿ ಹೊಸ ದಾಖಲೆ ನಿರ್ಮಿಸಿದ್ದಾರೆ. ಅವರ ಮಹೋನ್ನತ ಕನಸಾದ ಹವ್ಯಾಸಿ ಗಗನಯಾತ್ರೆ ರವಿವಾರ ಸಾಕಾರಗೊಂಡಿತು. ಈ ಮಹಾನ್‌ ಯೋಜನೆಯಲ್ಲಿ ಭಾರತ ಮೂಲದ ಶಿರಿಷಾ ಬಾಂದ್ಲಾ ಕೂಡ ಭಾಗವಹಿಸಿರುವುದು ವಿಶೇಷ.

ಅವರ ವರ್ಜಿನ್‌ ಗ್ಯಾಲಾಕ್ಟಿಕ್‌ ಸಂಸ್ಥೆಯ ಅವಳಿ ವಿಮಾನ ಗಳುಳ್ಳ (ಟ್ವಿನ್‌ ಫ್ಯೂಸಲೇಜ್‌) “ಯೂನಿಟಿ 22′ ಎಂಬ ವಿಮಾನದಲ್ಲಿ ರಿಚರ್ಡ್‌, ಇಬ್ಬರು ಪೈಲಟ್‌ ಹಾಗೂ ಮೂವರು ಉದ್ಯೋಗಿಗಳ (ಶಿರಿಷಾ ಸೇರಿ) ಜತೆಗೆ ನ್ಯೂ ಮೆಕ್ಸಿಕೋದಿಂದ ಭಾರತೀಯ ಕಾಲಮಾನ 8 ಗಂಟೆ ಸುಮಾರಿಗೆ ಉಡಾವಣೆ ಗೊಂಡಿತು. ಪ್ರತಿಕೂಲ ಹವಾಮಾನವಿದ್ದ ಕಾರಣ ಒಂದೂ ವರೆ ಗಂಟೆ ಕಾಲ ತಡವಾಗಿ ವಿಮಾನ ಉಡಾವಣೆಯಾಗಿದೆ.

ರಾಕೆಟ್‌ ಮಾದರಿಯ ಪ್ರೊಪೆಲÒನ್‌ ತಂತ್ರಜ್ಞಾನವಿರುವ “ಟ್ವಿನ್‌ ಫ್ಯೂಸ ಲೇಜ್‌’ ಬಾಹ್ಯಾ ಕಾ ಶ  ನೌ ಕೆ, ರನ್‌ವೇ ಮೂಲಕ ಓಡುತ್ತಾ ಬಾಹ್ಯಾಕಾಶ ದತ್ತ ಪ್ರಯಾಣ ಬೆಳೆಸಿತು. ಭೂಮಿಯ ಮೇಲ್ಮೆ„ನಿಂದ 45,000 ಕಿ.ಮೀ. ಎತ್ತರ ದಲ್ಲಿ ಗಂಟೆಗೆ 60 ಕಿ.ಮೀ. ವೇಗದಲ್ಲಿ ಸಾಗುತ್ತಾ 90 ನಿಮಿಷಗಳವರೆಗೆ ಸುತ್ತಾಡುವ ಇದು, ಶಟಲ್‌ಕಾಕ್‌ನಲ್ಲಿರುವ ತಂತ್ರಜ್ಞಾನದೊಂದಿಗೆ ಪುನಃ ಭೂಮಂಡಲ ಪ್ರವೇಶಿಸಿ, ಉಡಾವಣೆಗೊಂಡಿದ್ದ ಸ್ಪೇಸ್‌ ಪೋರ್ಟ್‌ನ ರನ್‌ವೇಗೆ ಬಂದಿಳಿಯುವಂತೆ ಇದರ ತಂತ್ರಜ್ಞಾನವನ್ನು ರೂಪಿಸಲಾಗಿದೆ.