ವಿಮಾನದಲ್ಲೂ ಹಲೋ? ಇಂಟರ್ನೆಟ್‌, ವೈಫೈ ಸೇವೆ

ನವದೆಹಲಿ: ವಿಮಾನ ಪ್ರಯಾಣದ ವೇಳೆ ಮೊಬೈಲ್‌ ಬಳಕೆ ಹಾಗೂ ಇಂಟರ್ನೆಟ್‌ ಸೇವೆ ಒದಗಿಸಲು ಅವಕಾಶ ನೀಡುವಂತೆ ಕೇಂದ್ರ ದೂರಸಂಪರ್ಕ ಇಲಾಖೆಗೆ ಭಾರತೀಯ ದೂರಸಂಪರ್ಕ ಪ್ರಾಧಿಕಾರ ಶಿಫಾರಸು ಮಾಡಿದೆ.

ಸ್ಯಾಟಲೈಟ್‌ ಅಥವಾ ಸಾಮಾನ್ಯ ಟವರ್‌ಗಳನ್ನೇ ಬಳಸಿ ವಿಮಾನದಲ್ಲಿ ಮೊಬೈಲ್‌ ಸೇವೆಗಳನ್ನು ಒದಗಿಸಬಹುದು. ಒಂದು ವೇಳೆ ವಿಮಾನದಲ್ಲಿ ಟೆಲಿಕಾಂ ನೆಟ್‌ವರ್ಕ್‌ ಸೌಲಭ್ಯ ಒದಗಿಸದಿದ್ದರೆ, ವೈಫೈ ಮೂಲಕ ಇಂಟರ್ನೆಟ್‌ ಸೇವೆ ಒದಗಿಸಬೇಕು.

ಪ್ರಯಾಣಿಕರು ವಿಮಾನ ಏರುತ್ತಿದ್ದಂತೆಯೇ ವಿವರಣೆ ನೀಡಬೇಕು ಎಂದು ಟ್ರಾಯ್‌ ಸೂಚಿಸಿದೆ. ವಿಮಾನದೊಳಗೆ ಮೊಬೈಲ್‌ ಸೇವೆ ಒದಗಿಸಲು ಪ್ರತ್ಯೇಕ ಸೇವಾ ಪೂರೈಕೆದಾರರನ್ನು ನಿಯೋ ಜಿಸಬಹುದಾಗಿದೆ ಎಂದಿದೆ ಟ್ರಾಯ್‌.