Advertisement
2014ರಷ್ಟು ಹಿಂದೆ ಶೆಂಜೆನ್‌ನಲ್ಲಿ ನಡೆದ ಎಟಿಪಿ 250 ಪಂದ್ಯಾವಳಿಯಲ್ಲಿ ಬೋಪಣ್ಣ-ಖುರೇಶಿ ಕೊನೆಯ ಸಲ ಒಟ್ಟಿಗೇ ಆಡಿದ್ದರು. 2010ರ ಯುಎಸ್‌ ಓಪನ್‌ ಫೈನಲ್‌ ತಲುಪಿದ್ದು ಈ ಜೋಡಿಯ ಅಮೋಘ ಸಾಧನೆಯಾಗಿದೆ. ಅಂದು ಇವರು ಗ್ರೇಟ್‌ ಬ್ರಿಯಾನ್‌ ಬ್ರದರ್ಗೆ ಶರಣಾಗಿದ್ದರು. ಅದೇ ವರ್ಷ ಬೋಪಣ್ಣ ಡಬಲ್ಸ್‌ನಲ್ಲಿ ವಿಶ್ವದ ನಂ.3 ಟೆನಿಸಿಗನಾಗಿ ಬಹಳ ಎತ್ತರ ಏರಿದ್ದರು.
2012ರಲ್ಲಿ ಬೋಪಣ್ಣ-ಖುರೇಶಿ ಜೋಡಿ ಬೇರ್ಪಟ್ಟಿತು. ಅಂದು ಬೋಪಣ್ಣ ಅವರ ಜತೆಗಾರನಾಗಿ ಕಾಣಿಸಿಕೊಂಡವರು ಭಾರತದವರೇ ಆದ ಮಹೇಶ್‌ ಭೂಪತಿ. ಲಂಡನ್‌ ಒಲಿಂಪಿಕ್ಸ್‌ಗೆ ಸಿದ್ಧತೆ ನಡೆಸುವುದು ಇವರ ಉದ್ದೇಶವಾಗಿತ್ತು. 2014ರಲ್ಲಿ ಮತ್ತೆ ಬೋಪಣ್ಣ-ಖುರೇಶಿ ಜತೆಯಾದರು. ಈಗ ಇಬ್ಬರಿಗೂ 40 ವರ್ಷ. ಸದ್ಯ ಮೆಕ್ಸಿಕೊ ಪಂದ್ಯಾವಳಿಯಲ್ಲಿ ಮಾತ್ರ ಇವರು ಜತೆಯಾಗಿ ಆಡಲಿದ್ದಾರೆ.