Advertisement
ರವಿವಾರ ನಡೆದ 4ನೇ ಸುತ್ತಿನ ಕಾಳಗದಲ್ಲಿ 14ನೇ ಶ್ರೇಯಾಂಕದ ಸಿಸಿಪಸ್, ತನಗಿಂತ 17 ವರ್ಷ ಹಿರಿಯರಾದ ಫೆಡರರ್ ಅವರನ್ನು ಭಾರೀ ಹೋರಾಟದ ಬಳಿಕ 6-7 (11-13), 7-6 (7-3), 7-5, 7-6 (7-5) ಅಂತರದಿಂದ ಪರಾಭವಗೊಳಿಸಿ ಕ್ವಾರ್ಟರ್ ಫೈನಲ್ಗೆ ಲಗ್ಗೆ ಇರಿಸಿದರು.
Related Articles
ಫೆಡರರ್ ಪತನದ ಬಳಿಕ ಕೂಟದ ನೆಚ್ಚಿನ ಆಟಗಾರನಾಗಿ ಗುರುತಿಸಲ್ಪಟ್ಟ ರಫೆಲ್ ನಡಾಲ್ ಜೆಕ್ ಆಟಗಾರ ಥಾಮಸ್ ಬೆರ್ಡಿಶ್ ಅವರನ್ನು 6-0, 6-1, 7-6 (7-4) ನೇರ ಸೆಟ್ಗಳಿಂದ ಮಣಿಸಿ ಕ್ವಾರ್ಟರ್ ಫೈನಲ್ ತಲುಪಿದರು. ಅವರು ಈ ಕೂಟದಲ್ಲಿ ಒಂದೂ ಸೆಟ್ ಕಳೆದುಕೊಂಡಿಲ್ಲ.
Advertisement
ಕ್ವಾರ್ಟರ್ ಫೈನಲ್ನಲ್ಲಿ ನಡಾಲ್ ಅಮೆರಿಕದ “ಜೈಂಟ್ ಕಿಲ್ಲರ್’ ಖ್ಯಾತಿಯ ಫ್ರಾನ್ಸೆಸ್ ಟಿಯಾಫೊ ವಿರುದ್ಧ ಸೆಣಸಬೇಕಿದೆ. ಟಿಯಾಫೊ ತಮ್ಮ 21ನೇ ಜನ್ಮದಿನದಂದೇ 20ನೇ ಶ್ರೇಯಾಂಕದ ಬಲ್ಗೇರಿಯನ್ ಟೆನಿಸಿಗ ಗ್ರಿಗರ್ ಡಿಮಿಟ್ರೋವ್ ವಿರುದ್ಧ 7-5, 7-6 (8-6), 6-7, 7-5 ಅಂತರದ ಗೆಲುವು ಸಾಧಿಸಿದರು.
“10 ವರ್ಷಗಳ ಹಿಂದೆ ನಾನೊಬ್ಬ ಪ್ರೊ ಟೆನಿಸ್ ಆಟಗಾರನಾಗುತ್ತೇನೆಂದು ಹೆತ್ತವರಲ್ಲಿ ಚಾಲೆಂಜ್ ಮಾಡಿದ್ದೆ. ಇಂದು ಮೊದಲ ಸಲ ಗ್ರ್ಯಾನ್ಸ್ಲಾಮ್ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದೇನೆ, ನಂಬಿ…’ ಎಂದು ಟಿಯಾಫೊ ಹೇಳಿದರು.