ಶ್ರೀಕ್ಷೇತ್ರ ಹಿರಿಯಡಕ: ವೀರಭದ್ರನ ಸನ್ನಿಧಿಗೆ ಹರಿದು ಬಂದ ರಜತ ಕಾಣಿಕೆ

ಉಡುಪಿ: ಹಿರಿಯಡ್ಕ ಶ್ರೀ ವೀರಭದ್ರಸ್ವಾಮಿಗೆ ರಜತ ಪೀಠ ಮತ್ತು ಪ್ರಭಾವಳಿಯನ್ನು ಹಾಗೂ ಗರ್ಭಗೃಹದ ದೀಪದಳಿಗೆ ರಜತ ಕವಚವನ್ನು ಹೊದಿಸಿ ಸಮರ್ಪಿಸುವ ಸಲುವಾಗಿ ಸುಮಾರು 2000ಕ್ಕೂ ಮಿಕ್ಕಿ ಭಕ್ತಾದಿಗಳು ಇಂದು ಬೆಳ್ಳಿಯನ್ನು ಸಮರ್ಪಿಸಿದರು.

ಶ್ರೀ ಕ್ಷೇತ್ರ ಹಿರಿಯಡಕದ ಜೀರ್ಣೋದ್ದಾರ ಕಾರ್ಯ ಮುಕ್ತಾಯದ ಹಂತದಲ್ಲಿದ್ದು ಇದೇ ಏಪ್ರಿಲ್ 16 ರಿಂದ 25ರವರೆಗೆ ಶ್ರೀ ದೇವರ ಪ್ರತಿಷ್ಠೆ ಹಾಗು ಬ್ರಹ್ಮಕಲಶ ಕಾರ್ಯಕ್ರಮ ಜರುಗಲಿರುವುದು. ಎರಡು ಹಂತದಲ್ಲಿ ಜೀರ್ಣೋದ್ದಾರ ಕಾರ್ಯಕ್ರಮ ನಡೆಯುತ್ತಿದ್ದು ಒಟ್ಟು 25 ಕೋಟಿಗೂ ಹೆಚ್ಚು ವೆಚ್ಚದಲ್ಲಿ ಹಿರಿಯಡಕ ಶ್ರೀ ವೀರಭದ್ರ ದೇವಸ್ಥಾನ ಸಮಗ್ರವಾಗಿ ಜೀರ್ಣೋದ್ದಾರಗೊಳ್ಳುತ್ತಿದೆ. ಕಾಷ್ಠಶಿಲ್ಪ ಹಾಗು ತುಳುನಾಡಿನ ಪರಂಪರೆಯನ್ನು ಸಾರುವ ಶಿಲ್ಪ ಸಾಮ್ರಾಜ್ಯವು ಹಿರಿಯಡ್ಕದಲ್ಲಿ ತಲೆಯೆತ್ತಿ ನಿಂತಿದೆ.

ಬೆಳ್ಳಿ ಸಮರ್ಪಣಾ ಕಾರ್ಯಕ್ರಮದ ಈ ಸಂದರ್ಭದಲ್ಲಿ ಜೀರ್ಣೋದ್ದಾರ ಮುಂಬೈ ಸಮಿತಿ ಅಧ್ಯಕ್ಷರಾದ ಏನ್ ಬಿ ಶೆಟ್ಟಿ, ಉದ್ಯಮಿ ಜಿ ಶಂಕರ್, ಮುಂಬೈ ಉದ್ಯಮಿಗಳಾದ ಸುಧೀರ್ ಶೆಟ್ಟಿ, ಕೃಷ್ಣ ಶೆಟ್ಟಿ ಮೊದಲಾದವರು ಉಪಸ್ಥಿತರಿದ್ದರು.