Shah Rukh: ಶಾರುಖ್‌ಗೆ ಶಟಪ್‌ ಅಂದಿದ್ದು ಪೂರ್ವನಿರ್ಧಾರಿತ!

ಮುಂಬೈ: 10 ವರ್ಷಗಳ ಹಿಂದೆ ನಡೆದ ಫಿಲ್ಮ್ಫೇರ್‌ ಪ್ರಶಸ್ತಿ ಪ್ರದಾನ ಸಮಾರಂಭವೊಂದರಲ್ಲಿ ಬಾಲಿವುಡ್‌ ನಟ ಶಾರುಖ್‌ ಖಾನ್‌ ಹಾಸ್ಯವಾಗಿ ನಟ ನೀಲ್‌ ನಿತಿನ್‌ ಮುಖೇಶ್‌ ಅವರಿಗೆ “ನಿಮ್ಮ ಹೆಸರಿನಲ್ಲಿ ಮೂರು ಹೆಸರು ಮಾತ್ರ ಏಕಿವೆ? ಕುಲನಾಮ ಏಕಿಲ್ಲ?’ ಎಂದು ಪ್ರಶ್ನಿಸಿದ್ದರು. ಇದಕ್ಕೆ ನೀಲ್‌, “ಶಟ್‌ ಅಪ್‌(ಬಾಯಿ ಮುಚ್ಚಿ)” ಎಂದು ಪ್ರತಿಕ್ರಿಯಿಸಿದ್ದರು.

ಈ ಘಟನೆಯ ಕುರಿತು ಸಂದರ್ಶನವೊಂದರಲ್ಲಿ ಮಾತನಾಡಿದ ನೀಲ್‌, “ನನಗೆ ಆಗಲೂ ಶಾರುಖ್‌ ಖಾನ್‌ ಅವರ ಮೇಲೆ ಅಪಾರವಾದ ಪ್ರೀತಿ ಇತ್ತು. ಈಗಲೂ ಅವರ ಮೇಲೆ ಅಪಾರವಾದ ಪ್ರೀತಿ ಇದೆ. ಹಾಸ್ಯವಾಗಿ ಅವರು ಆ ಪ್ರಶ್ನೆಯನ್ನು ಕೇಳಿದ್ದರು. ನಾನು ಕೂಡ ಹಾಸ್ಯಮಯವಾಗಿಯೇ ಆ ರೀತಿ ಹೇಳಿದ್ದೆ. ಸಮಾರಂಭ ಆರಂಭಕ್ಕೂ ಮುನ್ನವೇ ಅವರು, ನನ್ನಂದಿಗೆ ಹಾಸ್ಯ ಮಾಡುವುದಾಗಿ ಹೇಳಿದ್ದರು. ಅದಕ್ಕೆ ಪ್ರತಿಯಾಗಿ ನನಗೆ ಇಷ್ಟಬಂದಂತೆ ಉತ್ತರ ನೀಡಲು ಅವರೇ ಅನುಮತಿ ನೀಡಿದ್ದರು ಎಂದು ಹೇಳಿದ್ದಾರೆ. ಈ ಮೂಲಕ ಇಡೀ ಘಟನೆ ಪೂರ್ವನಿರ್ಧಾರಿತ ಎಂದು ಖಚಿತಪಡಿಸಿದ್ದಾರೆ.