Dandeli: ಗಾಂಧಿನಗರದಲ್ಲಿ ಕುಸಿದ ಕಿರು ಸೇತುವೆ : ಹೂತು ಹೋದ ಟಿಪ್ಪರ್

ದಾಂಡೇಲಿ : ಗಾಂಧಿನಗರ ವಾರ್ಡ್ ನಂ.02 ರಲ್ಲಿ ಕಿರು ಸೇತುವೆ ಕುಸಿದು ಟಿಪ್ಪರೊಂದು ಹೂತು ಹೋದ ಘಟನೆ ಗುರುವಾರ(ಆ.8) ನಡೆದಿದೆ.

ಜಲ್ಲಿ ತುಂಬಿದ್ದ ಟಿಪ್ಪರ್ ಕಿರು ಸೇತುವೆಯ ಮೇಲೆ ಬರುತ್ತಿದ್ದಂತೆ, ಸೇತುವೆ ಕುಸಿದಿದೆ. ಈ ಸಂದರ್ಭದಲ್ಲಿ ಟಿಪ್ಪರ್ ಹೂತು ಹೋಗಿದೆ. ಇಲ್ಲಿ ಯುಜಿಡಿ ಕಾಮಗಾರಿಗಾಗಿ ರಸ್ತೆ ಬದಿ ಅಗೆದು ಪೈಪ್ ಅಳವಡಿಸಿ ಮುಚ್ಚಲಾಗಿದ್ದರೂ, ಸಮರ್ಪಕವಾಗಿ ಅಗೆದ ಹೊಂಡವನ್ನು ಮುಚ್ಚದೆ ಇರುವುದರಿಂದ ಕಿರು ಸೇತುವೆ ಕುಸಿಯಲು ಕಾರಣವಾಗಿದೆ ಎಂದು ತಿಳಿದು ಬಂದಿದೆ.

ಸ್ಥಳಕ್ಕೆ ನಗರಸಭೆಯ ಸದಸ್ಯರಾದ ಬುಧವಂತ ಗೌಡ ಪಾಟೀಲ್ ಅವರು ಭೇಟಿ ನೀಡಿದ್ದಾರೆ.