Shiva Rajkumar; ‘ಭೈರತಿ ರಣಗಲ್‌’ ಬಿಡುಗಡೆ ಮುಂದಕ್ಕೆ ಅಧಿಕೃತ

ಶಿವರಾಜ್‌ಕುಮಾರ್‌ ಅವರ “ಭೈರತಿ ರಣಗಲ್‌’ ಚಿತ್ರದ ಟೀಸರ್‌ ಬಿಡುಗಡೆಯಾಗಿದೆ. ಟೀಸರ್‌ನಲ್ಲಿ ಒಂದು ವಿಚಾರ ಸ್ಪಷ್ಟವಾಗಿದೆ. ಅದು ಸಿನಿಮಾ ಬಿಡುಗಡೆ ಕುರಿತು. ಈ ಚಿತ್ರ ಆಗಸ್ಟ್‌ 15ರಂದು ಬಿಡುಗಡೆಯಾಗುವುದಾಗಿ ಹೇಳಿತ್ತು. ಆದರೆ, ಚಿತ್ರದ ಕೆಲಸ ಕಾರ್ಯಗಳು ಬಾಕಿ ಇದ್ದ ಕಾರಣ ಆಗಸ್ಟ್‌ 15ರಂದು ಬರುತ್ತಿಲ್ಲ ಎಂಬ ಸುದ್ದಿಯಾಗಿತ್ತು.

ಚಿತ್ರತಂಡ ಮಾತ್ರ ಈ ವಿಚಾರವನ್ನು ಅಧಿಕೃತವಾಗಿ ಹೇಳಿರಲಿಲ್ಲ. ಜೊತೆಗೆ ಆಗಸ್ಟ್‌ನಲ್ಲಿ ತೆರೆಕಾಣದಿದ್ದರೆ ಮತ್ತೆ ಯಾವಾಗ ತೆರೆಗೆ ಬರುತ್ತದೆ ಎಂಬ ಕುತೂಹಲ ಕೂಡಾ ಅಭಿಮಾನಿಗಳಲ್ಲಿತ್ತು. ಈಗ ಟೀಸರ್‌ನಲ್ಲಿ ಚಿತ್ರತಂಡ ಅದಕ್ಕೆ ಉತ್ತರಿಸಿದೆ. ಚಿತ್ರ ಸೆಪ್ಟೆಂಬರ್‌ನಲ್ಲಿ ಬಿಡುಗಡೆಯಾಗುತ್ತಿದೆ. ಆದರೆ, ಯಾವ ಡೇಟ್‌ಗೆ ಎಂಬ ಕುತೂಹಲಕ್ಕೆ ಕಾಯಬೇಕು.

ಇನ್ನು, “ಭೈರತಿ ರಣಗಲ್‌’ ಟೀಸರ್‌ ಔಟ್‌ ಅಂಡ್‌ ಔಟ್‌ ಮಾಸ್‌ ಶೈಲಿಯಲ್ಲಿ ಮೂಡಿಬಂದಿದ್ದು, ಮಾಸ್‌ ಡೈಲಾಗ್‌ ಗಮನ ಸೆಳೆಯುತ್ತಿದೆ. “ನಾನು ತಾಳ್ಮೆ ಕಳೆದು ಕೊಂಡಾಗೆಲ್ಲ ತುಂಬಾ ಜನ ತಲೆ ಕಳೆದು ಕೊಂಡಿದ್ದಾರೆ’ ಎಂಬ ಡೈಲಾಗ್‌ಗೆ ಮಾಸ್‌ ಪ್ರಿಯರು ಫಿದಾ ಆಗಿದ್ದಾರೆ.

ಹೊಸ ಚಿತ್ರ ‘ಜಾವಾ’

ಶಿವರಾಜ್‌ಕುಮಾರ ಹೊಸ ಚಿತ್ರ “ಜಾವಾ’ ಎಂದು ಶೀರ್ಷಿಕೆ ಇಡಲಾಗಿದೆ. ಈ ಚಿತ್ರವನ್ನು ಸತ್ಯಜ್ಯೋತಿ ಫಿಲಂಸ್‌ ನಿರ್ಮಿಸುತ್ತಿದ್ದು, ರವಿ ಅರಸು ನಿರ್ದೇಶನವಿದೆ. ಈ ಹಿಂದೆ ಶಿವರಾಜ್‌ ಕುಮಾರ್‌ ಅವರಿಗೆ “ಆರ್‌ಡಿ ಎಕ್ಸ್‌’ ಎಂಬ ಸಿನಿಮಾವನ್ನು ನಿರ್ಮಿಸಲು ಸತ್ಯಜ್ಯೋತಿ ಫಿಲಂಸ್‌ ಮುಂದಾಗಿತ್ತು