ರಾಜ್ಯಸಭೆ: ಪ್ರಿಯಾಂಕಾ ಶಿವಸೇನೆ ಅಭ್ಯರ್ಥಿ

ಮುಂಬಯಿ: ರಾಜ್ಯಸಭೆ ಚುನಾವಣೆಗೆ ಆಡಳಿತಾರೂಢ ಶಿವಸೇನೆ ತನ್ನ ಅಭ್ಯರ್ಥಿಯಾಗಿ ಪ್ರಿಯಾಂಕಾ ಚತುರ್ವೇದಿ ಅವರನ್ನು ನಾಮನಿರ್ದೇಶನ ಮಾಡಿದೆ. ಇವರು ಶುಕ್ರವಾರ ನಾಮಪತ್ರ ಸಲ್ಲಿಸಲಿದ್ದಾರೆ. ಕಾಂಗ್ರೆಸ್‌ನಲ್ಲಿದ್ದ ಪ್ರಿಯಾಂಕಾ ಮುಖಂಡರ ಧೋರಣೆಗೆ ಬೇಸತ್ತು ಕಳೆದ ವರ್ಷ ಪಕ್ಷ ತೊರೆದು ಶಿವಸೇನೆಗೆ ಸೇರ್ಪಡೆಯಾಗಿದ್ದರು.

ಮಹಾರಾಷ್ಟ್ರದಲ್ಲಿ ಖಾಲಿಯಿರುವ 7 ರಾಜ್ಯಸಭೆ ಸ್ಥಾನಗಳಿಗೆ ಮಾ.26 ರಂದು ಚುನಾವಣೆ ನಡೆಯಲಿದೆ. ಎನ್‌ಸಿಪಿಯಿಂದ ಶರದ್‌ ಪವಾರ್‌, ಕಾಂಗ್ರೆಸ್‌ನಿಂದ ರಾಜೀವ್‌ ಸತಾವ್‌ ಸ್ಪರ್ಧಿಸಲಿದ್ದು, ರಾಜಸ್ಥಾನದಿಂದ ಕೆ.ಸಿ.ವೇಣುಗೋಪಾಲ್‌ ಸ್ಪರ್ಧಿಸಲಿದ್ದಾರೆ.